ମର୍ମନ୍ତୁଦ ସଡକ ଦୁର୍ଘଟଣାରେ 1 ମୃତ

ପାଇକମାଲ :- ପାଇକମାଲ ବ୍ଲକ କେରମେଲାବାହାଲ ଛକ ନିକଟରେ ଆଜି ସକାଳେ ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଯାଇଛି । ବରଗଡ଼ରୁ ଖରିଆର କୁ ଯାଉଥିବା ଗୌରବ ବସ ଉକ୍ତ ଛକ ରେ ଧବଳେଶ୍ବର ସାହା (34) ନାମକ ଜଣେ ଯୁବକ ଉପରେ ମାଡିଯିବାରୁ ଯୁବକ ଜଣକ ଗୁରୁତର ଆହତ ହେଇଥିଲା । ସ୍ଥାନୀୟ ଲୋକଙ୍କ ସହଯୋଗରେ ଯୁବକଙ୍କୁ ତୁରନ୍ତ ପଦ୍ମପୁର ଉପଖଣ୍ଡ ଡାକ୍ତର ଖାନାକୁ ନିଆ ଯାଇଥିଲା । ହେଲେ ସେଠାରେ। ଡାକ୍ତର ଧବଳେଶ୍ବରକୁ ମୃତ ଘୋଷଣା କରିଥିଲେ । ଘଟଣା ଖବର ପାଇବା ପରେ ପାଇକମାଲ ଥାନା ଅଧିକାରୀ ଦୁର୍ଘଟଣା ଘଟିଥିବା ବସ କୁ ଓ ଏହାର ଡ୍ରାଇଭର କୁ ଥାନାରେ ଅଟକ ରଖି କେଶ ନମ୍ବର1621/ 19 ଧାରା 279 , 304(A) ରୁଜୁ କରି ତଦନ୍ତ ଜାରି ରଖିଛନ୍ତି ।