ଓଡ଼ଗାଁ(ଶ୍ରୀକାନ୍ତ ମିଶ୍ର): ଓଡଗାଁ ଥାନା ଅନ୍ତର୍ଗତ ଭାଡିକିଳା ଗ୍ରାମରେ ଗତକାଲି ସନ୍ଧ୍ୟାରେ ଖୁଦୁରୁକୁଣୀ ପୂଜାରେ ବାଣଫୁଟାକୁ କେନ୍ଦ୍ର କରି ଦୁଇ ପରିବାର ମଧ୍ୟରେ ଗଣ୍ଡଗୋଳ ଓ ମାରପିଟ୍ ହୋଇଛି । ଗ୍ରାମ କୋଠଘରେ ଝିଅମାନେ ମିସି ଖୁଦୁରୁକୁଣୀ ପୂଜା କରି ବାଣଫୁଟାଇବା ବେଳେ ଏହାକୁ ନେଇ ଗ୍ରାମର ମହେଶ୍ୱର ନାଏକ ଓ ପ୍ରମୋଦ ନାଏକଙ୍କ ପରିବାର ମଧ୍ୟରେ ପ୍ରଥମେ ବଚସା ହେବାସହ ଓ ପରେ ମାରପିଟ୍ ହୋଇଥିଲା । ଏଥିରେ ୨ଜଣ ଆହତ ହୋଇଛନ୍ତି । ଉଭୟ ପକ୍ଷରୁ ଥାନାରେ ଲିଖିତ ଅଭିଯୋଗ କରାଯାଇଛି । ପୁଲିସ ୨ଟି ପୃଥକ ମାମଲା ରୁଜୁ କରି ତଦନ୍ତ ଚାଲୁରଖିଛନ୍ତି ।
