ନୂଆପଡା.(ଅମିତ ପୁରୋହିତ); ନୂଆପଡା ଜିଲ୍ଲା ଜୋଙ୍କ ଥାନା ପୋଲିସ ଚଢଉ କରି ଆନ୍ତଃ ରାଜ୍ୟ ଚୋରା ଚାଲାଣ କରୁଥିବା ୨ ମଦ ବ୍ୟବସାୟୀ ଙ୍କୁ ଗିରଫ କରିଛି । ତାଙ୍କ ଠାରୁ ୨୨ ଶହ ଦେଶୀ ମଦ ପାଉଜ ଜବତ କରିଛି । ଗିରଫ ମଦ ବ୍ୟବସାୟୀ ହେଲେ ଲକ୍ଷ୍ମଣ ସିଂ ଠାକୁର (୩୨), ସୁରନ୍ଜିତ ସିଂ ଠାକୁର (୨୬) । ଏନେଇ ଜୋଙ୍କ ଥାନା ପୋଲିସ ଏକ ମାମଲା ରୁଜୁ କରି ଅଭିଯୁକ୍ତଙ୍କୁ କୋର୍ଟ ଚାଲାଣ କରିଥିବା ଆଇ.ଆଇ.ସି ଯୁଗଳ ମଲ୍ଲିକ ସୂଚନା ଦେଇଛନ୍ତି । ଛତିସଗଢ ସିମାନ୍ତ ନର୍ରା ନିକଟସ୍ଥ ଖରିଆର ରୋଡ ସହରର ଏଲଡି ପଡାର ୨ ଭାଇ ଲକ୍ଷ୍ମଣ ସିଂ ଓ ସୁରନ୍ଜିତ ସିଂ ବହୁ ଦିନ ହେଲା ବେଆଇନ ଭାବେ ମଦ କୋଠି ଖୋଲି ଦେଶୀ ମଦ ବିକ୍ରି କରୁଥିଲେ । ଏହାର ଖବର ପାଇ ଆଇ.ଆଇ.ସି ଶ୍ରୀ ମଲ୍ଲିକଙ୍କ ନେତୃତ୍ୱରେ ଜୋଙ୍କ ପୋଲିସର ଏକ ସ୍ୱତନ୍ତ୍ର ଟିମ ଗଠନ ହେଇଥିଲା । ଏହିଟି ଏଲଡି ପଡାର ଓ ନର୍ରାରେ ଥିବା ମଦ କୋଠିରେ ଏକା ସାଙ୍ଗରେ ଚଢଉ କରିଥିଲେ । ଉଭୟ ସ୍ଥାନରୁ ମୋଟ ୨୨ ଶହ ଦେଶି ମଦ ପାଉଜ ଜବତ କରିଥିଲେ । ବେଆଇନ ମଦ ବିକ୍ରି ଅଭିଯୋଗରେ ୨ ଭାଇଙ୍କୁ ଗୀରଫ କରିଥିଲେ । ଅଧିକ ତଦନ୍ତ ପରେ ଆଜି ମଧ୍ୟାନ୍ନରେ ଉଭୟଙ୍କୁ କୋର୍ଟ ଚାଲାଣ କରାଯାଇଛି । ତେବେ ଜାମିନ ନାମଞୁର ହେବାରୁ ବିଚାରବିଭାଗିୟ ହାଜତ କୁ ପଠାଇ ଦେଇଥିବା ପୋଲିସ କହିଛି । ଉକ୍ତ ଚଢଉରେ ଏସ୍ ଆଇ ଭାରତୀ ନାଏକ, ସବ୍ୟସାଚୀ ଶତ୍ପତି, ଏଏସଆଇ ନରେନ୍ଦ୍ର ବେହେରା, ପ୍ରଭାତ ପଣ୍ଡା ପ୍ରମୁଖ ଉପସ୍ଥିତ ଥିଲେ ।