ସୁନ୍ଦରଗଡ଼/ ହୋରାଚାନ୍ଦ ଦେଉରିଆ : ସୁନ୍ଦରଗଡ଼ ପୋଲିସର ଏକ ଟିମ ନାଇଟ ପାଟ୍ରୋଲିଂ କରୁଥିବା ବେଳେ ୬ଜଣ ଡକାୟତଂକୁ ଗିରଫ କରିଛି | ଟ୍ରକ ଡ୍ରାଇଭରଙ୍କ ଠାରୁ ଟଙ୍କା, ମୋବାଇଲ ଲୁଟ କରିବାକୁ ହୋଇଥିବା ଯୋଜନାକୁ ପଣ୍ଡ କରିଛି |
୫ ତାରିଖ ରାତି ସାଢେ ଗୋଟାଏ ବେଳେ ସୁନ୍ଦରଗଡ଼ ଥାନା ଏସଆଇ କେ ଏନ ବର୍ତିକ, ଏଏସଆଇ ୟୁ ଏନ ଖଣ୍ଡାଇ, ହାବିଲଦାର ଏମ କେ ପଟେଲ ଓ ଅନ୍ୟ କର୍ମଚାରୀ ନାଇଟ ପାଟ୍ରୋଲିଂ କରୁଥିବା ବେଳେ ବିଶ୍ୱସ୍ତ ସୂତ୍ରରୁ ଖବର ପାଇଥିଲେ ଯେ କିଛି ସନ୍ଦିଗ୍ଧ ବ୍ୟକ୍ତି ମାରଣାସ୍ତ୍ର ଧରି ସେମନା ଛକଠାରେ ରାସ୍ତା କଡରେ ଏକାଠି ହୋଇଛନ୍ତି | ଶଙ୍କରା ବାଇପାସ ପାରିଜାତ ପାର୍କ ଠାରୁ ସେମନା ଛକ, ଅମଲିପାଲି ଦେଇ ଗମେଣ୍ଟ କଲେଜ ବାଇପାସ ଆଡକୁ ଯାଉଥିବା ଟ୍ରକ ଗୁଡିକର ଡ୍ରାଇଭରଙ୍କ ଠାରୁ ମୋବାଇଲ ଓ ଟଙ୍କା ଲୁଟିବା ପାଇଁ ତୟାର ହୋଇ ଥିଲେ | ଖବର ପାଇବା ମାତ୍ରେ ପୋଲିସ ଟିମ ଘଟଣା ସ୍ଥଳ ଠୁ କିଛି ଦୂରରେ ପହଂଚି ସେମାନଙ୍କ ଗତିବିଧିକୁ ନିରୀକ୍ଷଣ କରିଥିଲା | ହେଲେ ଦୂରରୁ ପୋଲିସ ଗାଡିକୁ ଦେଖି ଅପରାଧୀମାନେ ଫେରାର ହେବା ପାଇଁ ଉଦ୍ୟମ କରିଥିଲେ | କିଛି ବାଟ ଗୋଡ଼ାଗୋଡ଼ି ହେବା ପରେ ପୋଲିସ ୬ଜଣ ଅଭିଯୁକ୍ତଙ୍କୁ ଧରିବାରେ ସକ୍ଷମ ହୋଇଥିଲେ | ଗିରଫ ହୋଇଥିବା ଅଭିଯୁକ୍ତ ମାନେ ସବୁ ୧୯ ଆଉ ୨୦ ବର୍ଷର | ସେମାନେ ହେଲେ ଓମରାଜ ମହାପାତ୍ର(୧୯), ସୁରଜ ସାହୁ (୧୯), ସୁମନ ବିଶ୍ୱାଳ(୨୦), ସିଦ୍ଧାର୍ଥ ପଣ୍ଡା(୧୯), ରାଜେଶ ବାଗ (୧୯) ଓ ବିଶ୍ୱଜିତ ଦେଓ(୧୯) |  ସେମାନଙ୍କଠାରୁ ଭୁଜାଲି, ଛୁରୀ, ମଟରସାଇକଲ ତଥା ଡ଼କାୟତିରେ ବ୍ୟବହୃତ ସାମଗ୍ରୀ ଜବତ କରିଛି ବୋଲି ସୁନ୍ଦରଗଡ ଟାଉନ ଥାନା ଅଧିକାରୀ ବିଭସ୍ଵ ପ୍ରଧାନ ସୂଚନା ଦେଇଛନ୍ତି |