ଝାରସୁଗୁଡା (ଖୁର୍ସିଦ ଆଲାମ ଖାଁ):-ଝାରସୁଗୁଡ଼ା ବେଦାନ୍ତ କମ୍ପାନୀ  ଅଧିନସ୍ଥ ସିଇ.ଏନଏଫଆଇଏସ ପ୍ରାଇଭେଟ ଇଣ୍ଡିଆ ଲିମିଟେଡ୍ ରେ  କାର୍ଯ୍ୟରତ କର୍ମଚାରୀ ମଙ୍ଗଳବଜାର ବାସିନ୍ଦା ମୁମତାଜ ଖାନ୍ (୩୫)ଙ୍କ ଘଟଣା ସ୍ଥଳରେ ମୃତ୍ୟୁ ଘଟିଛି । ଏହି କମ୍ପାନି ବେଦାନ୍ତ ରେଲୱେ ସାଇଡିଂରେ ଲୋଡ଼ିଂ ଏବଂ ଅନ ଲୋଡ଼ିଂ କାମ ଠିକା ନେଇଛି | ଗୋଟିଏ ବୋଗିରୁ ଅନ୍ୟ ବୋଗି ସଂଯୋଗ ସମୟରେ ମଝିରେ ଚାପି ହୋଇ ଆହତ ହୋଇଥିବା ମୁମତାଜ୍ ଖାନଙ୍କୁ  ଗୁରୁତର ଅବସ୍ଥାରେ ବେଦାନ୍ତ ସ୍ଥିତ ଚିକିତ୍ସାଳୟ ଏବଂ ପରେ ବୁର୍ଲା ବଡ଼ ମେଡିକଲ କୁ ନିଆଯାଇଥିଲା |  ସେଠାରେ ତାଙ୍କୁ ଡାକ୍ତର ମୃତ ଘୋଷଣା କରିଥିବା ବେଳେ ଘର ଲୋକେ ଏହାକୁ ଅଶ୍ଵିକାର କରି ବେଦାନ୍ତ ୧ ନଂ ଗେଟ୍ ରେ ରାସ୍ତା ଅବରୋଧ କରିଥିଲେ | ପୋଲିସ ପ୍ରଶାସନ ଘଟଣା ସ୍ଥଳକୁ ପହଞ୍ଚି ସ୍ଥିତିକୁ ଅନୁଧ୍ୟାନ କରିବା ପରେ ପରିସ୍ଥିତି ନିୟନ୍ତ୍ରଣ ହେଲେ ମଧ୍ୟ ଚାପା ଉତ୍ତେଜନା ଲାଗି ରହିଛି ଏବଂ ମୃତକଙ୍କ ପରିବାରବର୍ଗଙ୍କୁ ଉପଯୁକ୍ତ କ୍ଷତିପୂରଣ ଦେବା ପାଇଁ ପରିବାରଲୋକ ଓ ସାଧାରଣ ଲୋକ  ଦାବି କରିଛନ୍ତି |