ବଡ଼ବିଲ (ଶାସକ ପ୍ରଶାସକ): ଆଜି ଭୋର ସମୟରେ ବଡ଼ବିଲ ମେନରୋଡ଼ ହରିଓମ ଭବନ ନିକଟରେ ଥିବା ପୋଲରୁ ଖସି ଓଆର୦୪ଡି ୧୭୨୩ ନମ୍ବର ବିଶିଷ୍ଟ ଡ଼ମ୍ପର ଦୁର୍ଘଟଣା ଗସ୍ତ ହୋଇଛି।  ଡ଼ମ୍ପରଟି ପୋଲ ବାଡ଼କୁ ଭାଙ୍ଗି ପ୍ରାୟ ୭ ଫୁଟ ତଳେ ଖସିପଡି ଓଲଟି ପଡିଥିଲା। ଫଳରେ ଡ଼ମ୍ପର ଚାଳକ ଝାରଖଣ୍ଡ କଟଗଡ଼ ଅଞ୍ଚଳର କାହ୍ନୁ ପୂର୍ତ୍ତିଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିଲା। ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିବା ସହ ପୋଷ୍ଟମର୍ଟମ ନିମନ୍ତେ ବଡ଼ବିଲ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠାଇଥିବା ଜଣାପଡିଛି। ଡ଼ମ୍ପରଟି ବଡ଼ବିଲ ଅଞ୍ଚଳର ତୋଫେଲ ଅହମଦଙ୍କ ବୋଲି ପୋଲିସ ସୂତ୍ରରୁ ଜଣାପଡ଼ିଛି। ପୋଲିସ ଡ଼ମ୍ପରକୁ ଜବତ କରି ଏକ କେଶ ରୁଜୁ କରିଥିବା ବଡ଼ବିଲ ଥାନାଧିକାରୀ ସୁଶାନ୍ତ କୁମାର ଦାଶ କହିଛନ୍ତି |