ବାରିପଦା(ଦିଲ୍ଲୀପ ମହାନ୍ତି )- ମୟୂରଭଞ୍ଜ ଜିଲ୍ଲା ଉଦଳା ଥାନା ଅଧୀନରେ ଥିବା ରଙ୍ଗାମାଟିଆ ଛକ ନିକଟରେ ଜୁଲାଇ ୨୧ ରବିବାର ପୂର୍ବାହ୍ନ ୯ଟାରେ ଓଆର ୧୧ଡ଼ି ୨୬୮୮ ନମ୍ବର ବିଶିଷ୍ଟ ନେସନାଲ ଯାତ୍ରୀବାହୀ ବସ ଓ ଓଡ଼ି ୧୧ ଆର ୨୨୧୮ ନମ୍ବର ବିଶିଷ୍ଟ ଅଟୋ ମଧ୍ୟରେ ମୁହାଁମୁହିଁ ଧକ୍କା ହେବା ଫଳରେ ଅଟୋରେ ଥିବା ୪ ଜଣ ଯାତ୍ରୀ ଗୁରୁତ୍ତର ଭାବେ ଆହତ ହୋଇଛନ୍ତି । ଆହତମାନେ ହେଲେ ବୈଶିଙ୍ଗା ଥାନା ଅଧୀନରେ ଥିବା ସାନବଣି ଗ୍ରାମର ଲେଙ୍କା ମାର୍ଣ୍ଡି(୩୨) ଓ ଲେଙ୍କା ମାର୍ଣ୍ଡିଙ୍କ ସ୍ତ୍ରୀ ଚରମୁନୀ ମାର୍ଣ୍ଡି(୩୦), ନୂଆଗାଁ ଗ୍ରାମର ପ୍ରଶାନ୍ତ କୁମାର ଗିରି, ଫୁଲଝରି ଗ୍ରାମର ବିଜୟ ମହାକୁଡ଼(୩୫) । ଏମାନଙ୍କୁ ତୁରନ୍ତ ଚିକିତ୍ସା ଯୋଗାଇ ଦେବା ନିମନ୍ତେ ଉଦଳା ହସପିଟାଲରେ ଭର୍ତ୍ତି କରାଯାଇଛି । ଖବର ଲେଖାଯିବା ପର୍ଯ୍ୟନ୍ତ ଆହତମାନଙ୍କ ସ୍ୱାସ୍ଥ୍ୟ ଅବସ୍ଥା ସ୍ଥିର ରହିଥିବାର ସେମାନଙ୍କୁ ଚିକିତ୍ସା କରୁଥିବା ଡ଼ାକ୍ତରଙ୍କ ସୂତ୍ରରୁ ପ୍ରକାଶ । ଏହି ଦୁର୍ଘଟଣାରେ ଅଟୋର ସମ୍ମୁଖ ଭାଗ ସମ୍ପୂର୍ଣ୍ଣ ଭାବେ ଭାଙ୍ଗି ନଷ୍ଟ ହୋଇଯାଇଛି ।