ଓଡ଼ଗାଁ, (ଶ୍ରୀକାନ୍ତ ମିଶ୍ର) : ନୟାଗଡ ଜିଲ୍ଲା ଓଡଗାଁ ବ୍ଲକ ବଡପୁଟ ଗ୍ରାମର ଶତାୟୁ ସ୍ୱାଧିନତା ସଂଗ୍ରାମୀ ବିରଭଦ୍ର ଆଚାରୀ(୧୦୩) ବୁଧବାର ବିଳମ୍ବିତ ରାତିରେ ସ୍ୱଗୃହରେ ପରଲୋକ ଗମନ କରିଥିଲେ । ନୟାଗଡ ପ୍ରଜାମଣ୍ଡଳ ଆନ୍ଦୋଳନରେ ଅଂଶ ଗ୍ରହଣ କରି ସେ କାରାବରଣ କରିଥିଲେ । ତାଙ୍କର ଜିବଶୈଳି ଓ ରୁଚି ଭିନ୍ନ ଧରଣର ଥିଲା । ୧୯୮୧ ମସିହାରେ ସେ ଥିଲେ ଆରଡା ସ୍ଥିତ ଆର୍ଯ୍ୟ ସମାଜର ପ୍ରତିଷ୍ଠାତା  । ତାଙ୍କର ଆଦର୍ଶରେ ଅନୁପ୍ରାଣିତ ତାଙ୍କର ପୁତ୍ର ସ୍ୱାମୀଦୟାନନ୍ଦ ସରସ୍ୱତୀ ଚାରିଟେବୁଲ ଟ୍ରଷ୍ଟର ପ୍ରତିଷ୍ଠାତା  ଶଶିଭୁଷଣ ଆଚାରୀ ବୃଦ୍ଧାଶ୍ରମ ମାଧ୍ୟମରେ ସେବା ଜାରୀ ରଖିଛନ୍ତି । ଶତାୟୁ ସଂଗ୍ରାମୀଙ୍କ ଦେହାନ୍ତ ଯୋଗୁଁ ସ୍ଥାନୀୟ ଅଂଚଳରେ ଶୋକର ଛାୟା ଖେଳି ଯାଇଛି । ବିଭିନ୍ନ ଅନୁଷ୍ଠାନର  ସାଧୁ, ସନ୍ୟାଷୀ ଏବଂ ବିଦ୍ୱାନଗଣ ତାଙ୍କ ଅମରଆତ୍ମାର ସଦଗତି କାମନା କରିବା ସହିତ ଶୋକ ସନ୍ତପ୍ତ ପରିବାରକୁ ସ୍ୱାନ୍ତ୍ୱନା ପ୍ରଦାନ କରିଛନ୍ତି ।