କଲେଜ ଛାତ୍ରୀଙ୍କୁ ଦୁଷ୍କର୍ମ ଅଭିଯୋଗ : ଅଭିଯୁକ୍ତ ଗିରଫ
ଭିଡ଼ିଓ ଭାଇରାଲ ପରେ ଆଣିଲେ ଅଭିଯୋଗ
କୁଚିଣ୍ଡା:(ଅଜୟ କୁମାର ବାଘ): ସମ୍ବଲପୁର ଜିଲ୍ଲା କୁଚିଣ୍ଡାରେ ଜଣେ କଲେଜ ଛାତ୍ରୀଙ୍କୁ ଜଙ୍ଗଲ ଭିତରେ ଦୁଷ୍କର୍ମ କରି ଲୋକଙ୍କ ହାତରେ ଧରା ପଡିଛନ୍ତି ଜଣେ ହାଇସ୍କୁଲ ଶିକ୍ଷକ l କୁଚିଣ୍ଡା ଅଞ୍ଚଳରେ ଏହି ଘଟଣାର ଭିଡ଼ିଓ ଭାଇରାଲ ହେବାପରେ ଏହି ସାଙ୍ଘାତିକ ଘଟଣା ସାମ୍ନାକୁ ଆସିଛି l ଅଭିଯୁକ୍ତ ଜଣକ ହେଲେ ବାଉଗୋଡ଼ା ହାଇସ୍କୁଲର ଶିକ୍ଷକ ପ୍ରମୋଦ ଖରସେଲ l ଭିଡ଼ିଓ ଭାଇରାଲ ହେବାପରେ ଛାତ୍ରୀଙ୍କ ପକ୍ଷରୁ ତାଙ୍କ ବିରୋଧରେ ଦୁଷ୍କର୍ମ ମାମଲା ରୁଜୁ କରାଯାଇଛି l କିଛିଦିନ ତଳେ ପ୍ରମୋଦ ଉକ୍ତ ନାବାଳିକା ଛାତ୍ରୀଙ୍କୁ ତାଙ୍କ କଲେଜ ୟୁନିଫର୍ମ ପିନ୍ଧିଥିବା ଅବସ୍ଥାରେ ଜଙ୍ଗଲରୁ ବାହାରୁଥିବା ବେଳେ ଏହି ରାସ୍ତାରେ କିଛି ଲୋକ ତାଙ୍କୁ ଦେଖିଥିଲେ l ଲୋକେ ସେଠାରେ ଜମା ହେବାପରେ ପ୍ରମୋଦ ଓ ସଂପୃକ୍ତ ଛାତ୍ରୀ ଜଣକ ଘଟଣା ସ୍ଥଳରୁ ପଳାଇବାକୁ ଉଦ୍ୟମ କରିଥିଲେ l ତେବେ ଲୋକମାନେ ମୋବାଇଲରେ ଉଭୟଙ୍କ ଭିଡ଼ିଓ ନେଇଥିଲେ l ଭିଡ଼ିଓ ରେ ପ୍ରମୋଦ ହେଲମେଟ ପିନ୍ଧି ମୁହଁ ଲୁଚାଇବା ଥିବାବେଳେ ଛାତ୍ରୀଙ୍କ ହାତରେ ମୁହଁ ଲୁଚାଇଥିଲେ l ଭିଡ଼ିଓ ଭାଇରାଲ ହୋଇଯିବାରୁ ଛାତ୍ରୀ ଜଣକ ପ୍ରମୋଦଙ୍କ ବିରୋଧରେ କୁଚିଣ୍ଡା ଥାନାରେ ଦୁଷ୍କର୍ମ ଅଭିଯୋଗ କରିଛନ୍ତି l ନାବାଳିକାଙ୍କ ଡ଼ାକ୍ତରି ମାଇନା ଆସିବାପରେ ଅଭିଯୁକ୍ତ ପ୍ରମୋଦକୁ କୁଚିଣ୍ଡା ପୋଲିସ ଗିରଫ କରିଛି l
