ଓଡଗାଁ(ଶ୍ରୀକାନ୍ତ ମିଶ୍ର)  : ଓଡଗାଁ ବନାଂଚଳ ଅନ୍ତର୍ଗତ ବାହାଡାଝୋଲା ଅଂଚଳର ସିଙ୍ଗାରପଲ୍ଲୀ ଗ୍ରାମରେ ଓଡଗାଁ ବନବିଭାଗ ଚଢାଉ କରି ୨ଲକ୍ଷ ଟଙ୍କାରୁ ଅଧିକ ମୂଲ୍ୟର କାଠ ପଟା ଜବତ କରିଛନ୍ତି ।  ବିଶେଷ ସୁତ୍ରରୁ ଖବର ପାଇ ଓଡଗାଁ ବନାଂଚଳ ଅଧକାରୀ ରବିନ୍ଦ୍ରନାଥ ପଣ୍ଡାଙ୍କ ନେତୃତ୍ୱରେ ବନପାଳ ସରୀତା ବରାଳ, ବନରକ୍ଷୀ ଶୁଭେନ୍ଦୁ ନାୟକ, ଧରଣିଧର ନାୟକ ଓ ବାହାଡାଝୋଲା ଅଂଚଳ ପ୍ରୋଟେକସନ ସ୍କ୍ୱାଡ ମିଳିତ ଭାବେ ସିଙ୍ଗାରପଲ୍ଲୀ ଗ୍ରାମ ନୂଆସାହିର ଅଶୋକ ସେନାପତୀଙ୍କ ବନ୍ଦ ଥିବା ଏକ କୋଠରି ଉପରେ ଅତର୍କିତ ଭାବରେ ଚଢାଉ କରି ସେଠାରେ ବହୁ ମୁଲ୍ୟର କାଠପଟା ରହିଥିବାର ଜାଣିବାକୁ ପାଇଥିଲେ । ସ୍ଥାନୀୟ ଓାଡ ମେମ୍ବର, ସାହି ସଭାପତି ଓ ଗ୍ରାମବାସୀଙ୍କ ଉପସ୍ଥିତିରେ ମହଜୁଦ ଥିବା ଶାଳ କାଠର ସାଇଜ ଏବଂ ଶାଗୁଆନ ପଟା ଗୁଡିକୁ ଜବତ କରି କାର୍ଯ୍ୟାଳୟକୁ ଆଣିଥିଲେ । ପ୍ରାଥମିକ ଆକଳନରୁ ପଟା ଗୁଡିକ ୨ଲକ୍ଷ ଟଙ୍କାରୁ ଅଧିକ ହେବ ବୋଲି ଜଣାଯାଇଛି ।