ଧର୍ମଗଡ ରୁ ସୁଶାନ୍ତ ରାଉତ :  ଧର୍ମଗଡ ଥାନା କସିବାହଲ ଛକ ନିକଟରେ କାଲି  ସନ୍ଧ୍ୟାରେ ଦୁଇ ବାଇକ ମଧ୍ୟରେ  ମୁହାଁ ମୁହିଁ  ଧକା ହେବାରୁ ଦୁଇଜଣ ଗୁରୁତର ହୋଇଛନ୍ତି | କସିବାହଲ ଲୋକ ସଂପୃକ୍ତ ଦୁଇ ଆହତଙ୍କୁ ଉଦ୍ଧାର କରି ଆମ୍ବୁଲାନ୍ସ ଡାକି ଧର୍ମଗଡ ଉପଖଣ୍ଡ ଡାକ୍ତରଖାନାକୁ ନେଇଥିଲେ | ଗୁରୁତର ଆହତ ହୋଇଥିବା  ଦୁଇ ଜଣ ହେଲେ ଧର୍ମଗଡ ଥାନା ଅନ୍ତର୍ଗତ କିର୍କାକାନୀ  ଗ୍ରାମର ଶଙ୍କର ଦୁର୍ଗା  ଓରପ ଖାଲିଆ (୩୩) ଓ କାନଗାଁ ଗ୍ରାମର ବୁଲୁ ନାଏକ(୪୪) | ଉଭେୟ ଜୁନାଗଡ଼ ରାସ୍ତା ପଟୁ ନିଜ ଗାଁ କୁ ବାଇକରେ ଆସୁଥିବାବେଳେ ଇନ୍ଦ୍ରାବତୀ କାଡା ବିଭାଗର କାର୍ଯ୍ୟରତ କନିଷ୍ଠ ଯନ୍ତ୍ରୀଙ୍କ ବାଇକ ସହ ତାଙ୍କର ଧକା ହୋଇଥିଲା | ଯନ୍ତ୍ରୀ ଜଣକ ମଧ୍ୟ ରାସ୍ତା କଡ଼କୁ ଛିଟିକି ପଡ଼ିଥିଲେ | ଗରୁତର   ଶଙ୍କର ଓ ବୁଲୁ  ଅବସ୍ଥା ସଂଙ୍କଟାପନ୍ନ ଥିବାରୁ ଉଭୟଙ୍କୁ  ବିଶାଖାପାଟନମ ସ୍ଥାନାନ୍ତର କରାଯାଇଛି |