ଓଡ଼ଗାଁ,(ଶ୍ରୀକାନ୍ତ ମିଶ୍ର) : ଓଡଗାଁ-ଭଞ୍ଜନଗର୨୧ନଂ ରାଜ୍ୟ ରାଜପଥର ପଥରା ଛକ ନିକଟରେ ଗତ କାଲି ବିଳମ୍ବିତ ରାତିରେ ରାସ୍ତା ପାଶ୍ୱର୍ରେ ଥିବା ଆମ୍ବଗଛରେ ଏକ ମିନି ଟ୍ରକ ପିଟି ହୋଇ ଚାଳକ ଗୁରୁତର ଆହତ ହୋଇଛନ୍ତି । ଆହତ ଚାଳକ ଜଣକ ରୋହିବାଙ୍କ ଗ୍ରାମର କୃଷ୍ଣଚନ୍ଦ୍ର ସୁବୁଦ୍ଧି(୪୨) । ଭୁବନେଶ୍ୱରରୁ ଓଆର-୦୨ବିଡି-୭୦୭୭ ନମ୍ବର ମିନି ଟ୍ରକ ନେଇ ଚାଳକ କୃଷ୍ଣଚନ୍ଦ୍ର ନିଜ ଗ୍ରାମ ରୋହିବାଙ୍କରେ ପହଂଚିବାକୁ ମାତ୍ର ୩ କିଲୋମିଟର ରହିଥିବା ବେଳେ ଭାରସାମ୍ୟ ହରାଇ ଗାଡିଟି ପଥରା କୋମଅଣ୍ଡ ମଧରେ ଏକ ଗଚରେ ପିଟି ହୋଇଯାଇଥିଲା । ଫଳରେ ଗାଡିର ସମ୍ମୁଖ ଭାଗ ଦବି ଯିବାରୁ ଚାଳକ ଚାପି ହୋଇ ଯାଇଥିଲେ । ଖବର ପାଇ ଓଡଗାଁ ଅଗ୍ନିଶମ ବାହିନୀ କର୍ମଚାରୀ ଘଟଣା ସ୍ଥଳରେ ପହଂଚି ଆହତ ଡ୍ରାଇଭରକୁ ଉଦ୍ଧାର କରି ଓଡଗାଁ ମେଡିକାଲରେ ଭର୍ତିର୍ି କରିଥିଲେ । ତାଙ୍କର ଅବସ୍ଥା ଗୁରୁତର ଥିବାରୁ ତାଙ୍କୁ ନୟାଗଡ ପରେ ଭୁବନେଶ୍ୱରକୁ ସ୍ଥାନାନ୍ତରିତ କରାଯାଇଛି । ପୁଲିସ ଦୁର୍ଘଟଣା ଗ୍ରସ୍ତ ଗାଡିକୁ ଜବତ କରିବା ସହିତ ତଦନ୍ତ ଚାଲୁରଖିଛନ୍ତି ।