ଦୁର୍ବୁତ୍ତଙ୍କ ଗୁଳି ମାଡରେ ୨ ଭାଇ ଗୁତୁତ୍ତର, ବ୍ୟବସାୟୀକ ଶତ୍ରୁତାରୁ ଗୁଳିମାଡ଼ ସନ୍ଦେହ ।
ବାରିପଦା(ଦିଲ୍ଲୀପ ମହାନ୍ତି )- ମୟୁରଭଞ୍ଜ ଜିଲା ରାଇରଙ୍ଗପୁର ପୌର ପରିଷଦର ୧୫ ନମ୍ବର ୱାର୍ଡ ଲିଙ୍କ ରୋଡ଼ରେ ଜୁଲାଇ ୮ ପ୍ରାତଃ ପ୍ରାୟ ସାଢ଼େ ୬ ପାଖାପାଖି ସମୟରେ ଅଜଣା ଦୁର୍ବୁତ୍ତ'ଙ୍କ ଗୁଳିମାଡରେ ୨ ଭାଇ ଗୁରୁତର ଭାବେ ଆହତ ହୋଇଛନ୍ତି । ଆହତ ବଡ଼ଭାଇ ଗୌରୀଶଙ୍କର ସାହୁ ଓ ସାନଭାଇ ଜୟଶଙ୍କର ସାହୁଙ୍କୁ ଚିକିତ୍ସା ନିମନ୍ତେ ପ୍ରଥମେ ରାଇରଙ୍ଗପୁର ଡାକ୍ତରଖାନାରେ ଭର୍ତ୍ତି କରାଯାଇଥିଲା । ମାତ୍ର, ହସ୍ପିଟାଲରେ ଅପରେସନ କରି ଶରୀରରୁ ଗୁଳି ବାହାର କରିବା ସୁବିଧା ଉପଲବ୍ଧ ନ ଥିବାରୁ ଆହତ ଦୁଇ ଭାଇଙ୍କୁ ପ୍ରାଥମିକ ଚିକିତ୍ସା କରାଯିବା ପରେ ଜାମସେଦପୁର ହସ୍ପିଟାଲରେ ଭର୍ତ୍ତି କରାଯାଇଛି ।
ପ୍ରାପ୍ତ ସୂଚନା ଅନୁସାରେ ସକାଳ ସମୟରେ ଜୟଶଙ୍କର ଧାନ ଗୋଡାଉନରେ ଥିବାବେଳେ ଧଳା ରଙ୍ଗର ସାର୍ଟ ପିନ୍ଧି ଦୁଇ ଜଣ ଯୁବକ ଏକ କଳା ପଲସର ବାଇକରେ ଆସି ଗୋଦାମରେ ଧାନ ବିକିବା ବାହାନାରେ ଆସି ହଠାତ ଜୟଶଙ୍କରଙ୍କ ଛାତିକୁ ଲକ୍ଷ କରି ଗୁଳି ଚଲାଇଥିଲେ । ଏହାପରେ ବାହାରେ ଥିବା ଗୌରୀଶଙ୍କରଙ୍କ ଛାତିକୁ ଲକ୍ଷ କରି ଗୁଳି ଚଳାଇବ ପରେ ଆଖି ପିଛୁଳାକେ ବାଇକ ଧଟି ଫେରାର ହୋଇଯାଇଥିଲେ । ଖବରପାଇ ରାଇରଙ୍ଗପୁର ଏସଡିପିଓ ଓ ଥାନା ଅଧିକାରୀ ଘଟଣା ସ୍ଥଳରେ ପହଞ୍ଚି ପଡିଥିବା ଗୁଳିର ଖୋକା ଦୁଇଟିକୁ ଜବତ କରିଥିଲେ । ଏଠି ସହିତ ବାରିପଦାରୁ ସାଇଣ୍ଟିଫିକ ଟିମ ପହଂଚି ତଦନ୍ତ ଆରମ୍ଭ କରିଥିଲେ । ତେବେ ଗୁଳିକାଣ୍ଡର କାରଣ ଅସ୍ପଷ୍ଟ ରହିଥିବା ବେଳେ ଏହା ଧାନ କିଣାବିକାକୁ କେନ୍ଦ୍ର କରି ପୂର୍ବ ଶତ୍ରୁତା ବୋଲି ସନ୍ଦେହ କରାଯାଇଛି । ଉକ୍ତ ଘଟଣାକୁ ନେଇ ରାଇରଙ୍ଗପୁର ଥାନାରେ ଏକ ମାମଲା ମଧ୍ୟ ରୁଜୁ କରାଯାଇଛି ।
