ଓଡ଼ଗାଁ,(ଶ୍ରୀକାନ୍ତ ମିଶ୍ର) : ଓଡଗାଁ ଥାନା ଅନ୍ତର୍ଗତ ସୁନାମୁହିଁ ଗ୍ରାମ ପଂଚାୟତର ମାଳିଆଝୋଲା ଲଣ୍ଡାବାଦୁ ମଝିରେ ଥିବା ଖଉଡା ତୋଟାରେ ଓଡଗାଁ ପୋଲିସ ଚଢାଉ କରୁଥିବା ବେଳେ ଜୁଆ ଖେଳାଳି ମାନେ ଘଟଣା ସ୍ଥଳରୁ ଖସି ପଳାଇ ଯାଇଥିଲେ । ପୋଲିସ ସେଠାରୁ  ୫ଟି ବାଇକ ଜବତ କରିବାକୁ ସକ୍ଷମ ହୋଇଥିଲେ । ସାଧାରଣ ଲୋକଙ୍କ ଦୃଷ୍ଟି ଆଢୁଆଳରେ ଏଠାରେ ବର୍ଷସାରା ଜୁଆଖେଳ ହୁଏ । ବହୁ ଘର ଭାଙ୍ଗେ । ଅନେକକୁ ଗାଁଛାଡି ଅନ୍ୟତ୍ର ଯିବାକୁ ପଡିଥାଏ । ହେଲେ ଭୟରେ ସ୍ତାନୀୟ ଲୋକେ ନିଜ ଉଦ୍ୟମରେ ବନ୍ଦ କରିବାକୁ କେବେ ଚେଷ୍ଟା କରିନାହାଁନ୍ତି । ବିଶେଷ ସୁତ୍ରରୁ ଖବରପାଇ ଓଡଗାଁ ଥାନାର କୁରାଳ ଫାଣ୍ଡି ଅଧିକାରୀ ରମେଶ ବେହେରା ଏବଂ ସହକର୍ମୀ ମାନେ ମିଳୀତ ଭାବେ ଆଜି ରାତିରେ ଚଢାଉ କରିଥିଲେ । ରାତି ହୋଇଥିବାରୁ ଚଢାଉ ବେଳେ ସେହି ଅଜଣା ସ୍ଥାନରୁ ଯୁଆଡିଙ୍କୁ ଗିରଫ କରିବା ସମ୍ଭବ ହୋଇପାରି ନଥିଲା । ଜବତ ହୋଇଥିବା ବାଇକ ଗୁଡିକ ହେଲା ଟିଭିଏସ ଏକସେଲ ଓଡି ୨୫ବି ୧୧୪. ଓଡି ୨୫ଜି୪୮୯୭, ଓଡି ୨୫ସି ୪୨୫୭ ଏବଂ ଅନ୍ୟ ଦୁଇଟି ହିରୋହୋଣ୍ଡା ଓଆର ୨୫ସି ୨୭୨୬, ଓଡି ୨୫ ଏ ୬୨୦୩ ।