ବୌଦ୍ଧ (ଶାସକ ପ୍ରଶାସକ) ପୂର୍ବ ଶତ୍ରୁତା କୁ କେନ୍ଦ୍ରକରି ଅଗ୍ନିକାଣ୍ଡ । ଏଭଳି ଏକ ଅଭାବନୀୟ ଘଟଣା ଘଟିଛି ବୌଦ୍ଧ ଜିଲ୍ଲା ଶୁବଳୟା ଗ୍ରାମରେ । ଗତକାଲି ବିଳମ୍ବିତ ରାତିରେ ଶୁସାନ୍ତ ମହାକୁଡ଼ ଙ୍କ ଦୋକାନ ଘରେ ପେଟ୍ରୋଲ ଢାଳି ନିଆଁ ଲାଗାଇ ଦେଇଥିଲେ । ଚାହୁଁ ଚାହୁଁ ଦୋକାନ ଘର ଜଳିପୋଡ଼ି ଛାରଖାର ହୋଇଯାଇଥିଲା । ଖବର ପାଇ ବୌଦ୍ଧ ଦମକଳ ବାହିନୀ ଘଟଣା ସ୍ଥଳରେ ପଂହଁଚି ନିଆଁକୁ ଆୟତ କରିଥିଲେ ମଧ୍ୟ ସେତେବେଳକୁ 2 ବଖରା ସହ ଦୋକାନ ରେ ଥିବା ଦୁଇ ଲକ୍ଷ ରୁ ଉର୍ଦ୍ଧ୍ବ ସାମଗ୍ରୀ ସମ୍ପୁର୍ଣ୍ଣ ଜାଳି ନଷ୍ଟ ହୋଇଯାଇଥିଲା । ତେବେ ଏ ଘଟଣା ରେ ସୁଶାନ୍ତ ମହାକୁଡ଼ ବୌଦ୍ଧ ଥାନାରେ ସେହି ଗ୍ରାମର ଗଜେନ୍ଦ୍ର ମହକୁଡ଼ଙ୍କ  ନାଁରେ  ଏକ ଲିଖିତ ଅଭିଯୋଗ କରିଛନ୍ତି  । କିଛି ଦିନ ତଳେ ଗଜେନ୍ଦ୍ର ମହକୁଡ଼ ମଦ୍ୟପାନ କରି ସୁଶାନ୍ତ ମହାକୁଡ଼ଙ୍କୁ ଗାଳିଗୁଲଜ କରିବା ନେଇ ଥାନାରେ ମାମଲା ହୋଇଥିଲା । ସେଥିପାଇଁ ଅଗ୍ନିକାଣ୍ଡ ଘଟାଇଥାଇ ପାରନ୍ତି ବୋଲି ଥାନାରେ ଲିଖିତ ଅଭିଯୋଗ କରିଛନ୍ତି ସୁଶାନ୍ତ ।