ମେଲଛାମୁଣ୍ଡା,(ମନୋଜ ଭୋଇ) ମେଲଛାମୁଣ୍ଡା ଥାନା ଅର୍ନ୍ତଗତ ଘନାମାଲ ଗ୍ରାମରୁ ମେଲଛାମୁଣ୍ଡା ପୁଲିସ ଗୁରୁବାର ବିଲମ୍ବିତ ରାତ୍ରୀରେ ଏକ ବୃଦ୍ଧାଙ୍କ ଶବ ଝୁଲନ୍ତା ଅବସ୍ଥାରେ ଉଦ୍ଧାର କରିଛି । ଏ ନେଇ ମେଲଛାମୁଣ୍ଡା ଥାନା କେସ ନଂ ୬/୧୯ରେ ଏକ ମାମଲା ରୁଜୁ ହୋଇଛି । ମାମଲାଟିକୁ ଥାନା ଏଏସଆଇ ଦେହେରୀ ତଦନ୍ତ କରୁଛନ୍ତି । ପୁଲିସସୁତ୍ରରୁ ପ୍ରାପ୍ତସୂଚନାନୂସାରେ ଗୁରୁବାର ବିଲମ୍ବିତ ରାତ୍ରରେ ଘନାମାଲ ଗ୍ରାମର ନାଦ ପଧାନ(୭୫) ନାମକ ଜଣେ ବୃଦ୍ଧ ତାଙ୍କ କ୍ଷେତର ପିଜୁଲି ଗଛରେ ଦଉଡି ଦେଇ ଆତ୍ମହତ୍ୟା କରି ଝୁଲୁଥିବା ବିଷୟ ମେଲଛାମୁଣ୍ଡା ପୁଲିସକୁ ଖବର ମିଲିଥିଲା । ଖବର ପାଇଲା ମାତ୍ରେ ଥାନା ଭାରପ୍ରାପ୍ତ ଅଧିକାରି ସ୍ୱପ୍ନାରାଣୀ ଗୋଛାୟତ ଘଟଣା ସ୍ଥଳକୁ ସଦଳ ବଳ ସହ ପହଂଚି ଶବଟିକୁ ଗଛରୁ ଓହ୍ଳାଇ ଜବତ କରି ପଂଚନାମା କରିଥଲେ । ଶୁକ୍ରବାର ସକାଳେ ପଦ୍ମପୁର ଡାକ୍ତରଖାନାକୁ ବ୍ୟବଛେଦ ପାଇଁ ପଠାଇଥିଲେ । ଶବ ବ୍ୟବଛେଦ ପରେ ଶବ ଟିକୁ ପରିବାର ଲୋକଙ୍କୁ ହସ୍ତାନ୍ତର କରିଥିଲେ । ପ୍ରାଥମିକ ତଦନ୍ତରୁ ନାଦ ପଧାନଙ୍କ ଗୋଟିଏ ପୁଅ, ବୋହୁ ଓ ଗୋଟିଏ ଅବିବାହିତ ଝିଅ ସହ ଘର ସଂସାର ଚାଲିଥିଲା । କୌଣସି ମାନସିକ ଚାପ ଯୋଗୁ ବୃଦ୍ଧ ଜଣକ ଆତ୍ମହତ୍ୟା କରିଥାଇପାରନ୍ତି ବୋଲି ଜନସାଧାରଣରେ ଆଲୋଚନା ହେଉଥିବା ବେଳେ ତଦନ୍ତ ପରେ ବୃଦ୍ଧଙ୍କ ଅତ୍ମହତ୍ୟାର କାରଣ ପଦାକୁ ଆସିବ ବୋଲି ଥାନାଧିକାରୀ ଗୋଚ୍ଛାୟତ ସୂଚନା ଦେଇଛନ୍ତି ।