ବାରିପଦା(ଦିଲ୍ଲୀପ ମହାନ୍ତି )-ମୟୁରଭଞ୍ଜ ଜିଲ୍ଳା ରାସଗୋବିନ୍ଦପୁର ରେଞ୍ଜ ଅଢେନରେ ଥିବା ଡାଙ୍କରବିଲା ଗାଁରେ ଝାଡ଼ଖଣ୍ଡି ହାତୀ ଆକ୍ରମଣରେ ହରିଆ ସୋରେନ ନାମକ ଜଣେ ବୃଦ୍ଧଙ୍କ ମୃତ୍ୟୁ ହୋଇଅଛି। ଗତକାଲି ରାତିରୁ ଝାଡ଼ଖଣ୍ଡ ରାଜ୍ୟ ଦଲମା ଜଙ୍ଗଲରୁ ପ୍ରାୟ ୧୨ରୁ ଉର୍ଦ୍ଧ୍ବ ହାତୀ ପଶ୍ଚିମବଙ୍ଗ ଦେଇ ରାସଗୋବିନ୍ଦପୁର ରେଞ୍ଜରେ ପ୍ରବେଶ କରିଥିଲେ । ଆଜି ସକାଳୁ ଡ଼ାଙ୍ଗରବିଲା ଗାଁ ଦେଇ ହାତୀପଲ ଯାଉଥିବା ବେଳେ ହରିଆ ସୋରେନ ହାତୀପଲ ହାବୁଡ଼ରେ ପଡ଼ି ଯାଇଥିଲେ । ହାତୀ  ହରିଆ ସୋରେନକୁ ଶୁଣ୍ଢରେ ଟେକି ତଳେ କଛାଡିବା ପରେ ପଦରେ ଦଳି ଦେଇଥିଲା । ଫଳରେ ଘଟଣାସ୍ଥଳରେ  ତାର ମୃତ୍ୟୁ ହୋଇଥିଲା। ଖବର ପାଇ ବନ ବିଭାଗ କର୍ମଚାରୀମାନେ ଘଟଣାସ୍ଥଳରେ ପହଞ୍ଚି ମୃତ ଦେହକୁ ନେଇ ବ୍ୟବଚ୍ଛେଦ ପାଇଁ ବାରିପଦା ପିଆରଏମ ସରକାରୀ ମେଡିକାଲ କଲେଜ ଓ ହସ୍ପିଟାଲକୁ ପଠାଥିଲେ ।