ଓଡ଼ଗାଁ,(ଶ୍ରୀକାନ୍ତ ମିଶ୍ର) : ଓଡଗାଁ ସିନେମାହଲ ଛକରେ ଗୋଟିଏ ଡ୍ରେସ ଦୋକାନରେ ନିଆଁଲାଗି ଡ୍ରେସ ଗୁଡିକ ପୋଡି ଜଳି ନଷ୍ଟ ହୋଇଯାଇଥିବା ବେଳେ ଏ ସଂକ୍ରାନ୍ତରେ ଖବର ଲେଖାହେବା ପର୍ଯ୍ୟନ୍ତ ଡ୍ରେସ ଦୋକାନୀଙ୍କ  ତରଫରୁ କୈାଣସି ଅଭିଯୋଗ ହୋଇନଥିବା ବେଳେ ଘରମାଲିକ ଏନେଇ ଥାନାରେ ଅଭିଯୋଗ କରିଛନ୍ତି ।
ଅଭିଯୋଗ ଅନୁସାରେ ସିନେମାହଲ ଛକରେ ବନ୍ଦଥିବା ଭାଗ୍ୟଶ୍ରୀ ଡ୍ରେସ ଦୋକାନରୁ ଆଜି ସକାଳ ୯ଟା ସମୟରେ ବାହାରକୁ ଧୁଆଁ ନିର୍ଗତ ହେବାସହିତ ପୋଡାଗନ୍ଧ ଜଣାପଡିବା ପରେ ପାଖ ପଡୋଶୀ ଦମକଳ ବାହିନୀକୁ ଖବର କରିଥିଲେ । ଦମକଳବାହିନୀ ଆସିବା ପରେ ତାଲାଭାଙ୍ଗି ଦୋକାନ ଭିତର ନିଆଁକୁ ଲିଭାଇଥିଲେ । ତେବେ ସେପର୍ଯ୍ୟନ୍ତ ଦୋକାନର ମାଲିକ ଗଣେଷ ନାୟକ ଘଟଣା ସ୍ଥଲରେ ପହଂଚି  ନଥିବା କାରଣରୁ ଦୋକାନରେ ନିଆଁ ଲାଗିଜିବା ଅଥବା ଲଗେଇ ଦିଆଯାଇଥିବା ନେଇ ସନ୍ଦେହ  ପ୍ରକାଶ ପାଇଥିଲା । ଡ୍ରେସ ଦୋକାନୀ ୮ମାସର ଘରଭଡା ନଦେଇ ଡ୍ରେସ ଦୋକାନକୁ ସିନେମାହଲ ଛକରେ ଥିବା ଅନ୍ୟଏକ ଘରକୁ  କିଛି ଜିନିଷ  ସ୍ଥାନାନ୍ତର କରିଥିବା ବେଳେ ପ୍ରଥମ ଦୋକାନଘର ମାଲିକକୁ ଏ ସଂକ୍ରାନ୍ତରେ କୈଣସି ଅବଗତ କରିନଥିଲେ ।