ନବରଙ୍ଗପୁର : ଜଣେ ଅଜଣା ବ୍ୟକ୍ତି ତହସିଲ  ଅଫିସ ନିକଟରେ ଠିଆହୋଇଥିବା ବେଳେ କେହି ଦୁର୍ବୁତ୍ତ ଅଚାନକ କୌଣସି ଧାରୁଆ ଅସ୍ତ୍ରରେ ଗଳା କାଟି ଚାଲିଯାଇଥିବା ସୂଚନା ମିଳିଛି ।  ନବରଙ୍ଗପୁର ପୋଲିସ ଘଟଣା ସମ୍ବନ୍ଧରେ ଖବର ପାଇ ଗୁରୁତର  ଅବସ୍ଥାରେ ଯୁବକକୁ ଘଟଣାସ୍ଥଳରୁ ଉଦ୍ଧାର କରି ନବରଙ୍ଗପୁର ମେଡିକାଲରେ ଭର୍ତି କରିଥିଲେ । ଆହତ ଯୁବକ ନିକଟରୁ ମିଳିଥିବା ଆଧାର କାର୍ଡରୁ   ସେ କଳାହାଣ୍ଡି ଜିଲ୍ଲା କୋକସରା ଥାନା ଅନ୍ତର୍ଗତ ଘଣ୍ଟିଗୁଡା ନିକଟ ମହିମା ଗାଁର ଖୀରସିନ୍ଧୁ ଗହୀର ବୋଲି ଜଣାପଡିଛି ।  ନବରଙ୍ଗପୁର ମେଡିକାଲରେ ଖୀରସିନ୍ଧୁଙ୍କ ପ୍ରାଥମିକ ଚିକିତ୍ସା ପରେ  ଅଧିକା ଚିକିତ୍ସା ପାଇଁ କୋରାପୁଟ ମେଡିକାଲ କି ସ୍ଥାନାନ୍ତରିତ କରାଯାଇଛି  । ନବରଙ୍ଗପୁର ପୋଲିସ ଘଟଣାର ତଦନ୍ତ  ଆରମ୍ଭ କରି ଗଳା କାଟିଥିବା ଦୁର୍ବୁତ୍ତ କୁ ଧରିବା ପାଇଁ ଉଦ୍ୟମ ଆରମ୍ଭ କରିଦେଇଛି ।