ଚଳନ୍ତା ଗାଡିରେ ନିଆଁ : ଅଳ୍ପକେ ବର୍ତିଲେ ଚାଳକ

ଓଡ଼ଗାଁ : ଓଡଗାଁ ଆଦର୍ଶ ଥାନା ସାମ୍ନାରେ ଏକ ଚଳନ୍ତା ଗାଡିରେ ନିଆଁ ଲାଗିଯାଇଥିବା ବେଳେ ମରଣ ମୁହଁରୁ ଅଳ୍ପକେ ବର୍ତିଯାଇଛି ଚାଳକ । ଘଟଣାରୁ ପ୍ରକାଶ କୋମଣ୍ଡରୁ ଆସୁଥିବା ଓଆର ୦୨ଏକ୭୧୮୧ ମାରୁତି ଭ୍ୟାନ୍ସ ଓଡଗାଁ ଅତିକ୍ରମ କରୁଥିବା ସମୟରେ ଗାଡିରେ ନିଆଁ ଲାଗିଥିବା ଦେଖି ସ୍ଥାନୀୟ ଲୋକେର ପାଟି କରିଥିଲେ । ନିଆଁ ଲାଗିଥିବା ସମ୍ପର୍କରେ ଜାଣିନଥିବା ଚାଳକ ଓଡଗାଁ ହାଇସ୍କୁଲ ଫାଟକ ନିକଟରେ ଗାଡି ଛାଡିଦେଇ  ଘଟଣା ସ୍ଥଳରୁ କେଉଁଆଡେ ଚାଲିଯାଇଥିଲା । ଖବରପାଇ ଦମକଲ ବାହିନି ଘଟଣା ସ୍ଥଳରେ ପହଁଚି ନିଆଁ ଲିଭାଇଥିଲେ । ହେଲେ ଗାଡିରେ ଥିବା କାର୍ବୋନିକ ଏସିଡ ଦ୍ୱାରା ପ୍ରସ୍ତୁତ ଥଣ୍ଡା ପାନୀୟ(ଶୋଢା) ଯନ୍ତ୍ରାନ୍ସ ଗୁଡିକ ସହିତ ଗାଡିଟିର ବହୁ ଅଂଶ ପୋଡିଯାଇଥିଲା । ପୋଲିସ ପୋଡା ଗାଡିକୁ ଜବତ କରି ତଦନ୍ତ ଆରମ୍ଭ କରିଛନ୍ତି । ନୟାଗଡ ଆରଟିଓଙ୍କ କହିବା ଅନୁସାରେ ଗାଡିଟି ସ୍ଥାନୀୟ କୋମଣ୍ଡ ମକରପଦାର ବିଜୟ କୁମାର ସାମନ୍ତରାୟଙ୍କ ନାମରେ ଅଛି । ମାଲିକାନା ନବଦଳାଇ ସେହି କୋମଣ୍ଡର ରଜତ କୁମାର ସାହୁ(୨୪) ଏହି ଗାଡିରେ ଥଣ୍ଡା ପାନୀୟ ଶୋଢା ବ୍ୟବସାୟ କରୁଥିଲେ । ଗାଡିର କୈଣସି ସ୍ଥାନରେ ସଟ ସର୍କିଟ ଯୋଗୁଁ ନିଆଁଲାଗିଥାଇପାରେ ବୋଲି ଜଣାଯାଏ । ପରିବାରର ଗୁଜୁରାଣ ମେଂଟେଇବାକୁ ୩ଲକ୍ଷ ୫୦ ହଜାର ଟଙ୍କା ବ୍ୟୟରେ ଏହି ଛୋଟ ବ୍ୟବସାୟଟି ଚଳାଇଥିବା ବେଳେ ରଜତର ଆର୍ଥିକ ମେରୁଦଣ୍ଡ ଭାଙ୍ଗି ପଡିଛି ।