ଓଡଗାଁ, /ଶ୍ରୀକାନ୍ତ ମିଶ୍ର : ଓଡଗାଁ ଥାନା ମଦନପୁର ନିକଟସ୍ଥ କଇଥପଲ୍ଲୀ ଗାଁରେ ୨ଯା ଙ୍କ ମଧ୍ୟରେ ଗଣ୍ଡଗୋଳ ଘଟି ଜଣେ ଗୁରୁତର । ଦୁତୀକୃଷ୍ଣ ବେହେରାଙ୍କ ସ୍ତ୍ରୀ ଲକ୍ଷ୍ମୀ ବେହେରା ଗୁରୁତର ଅବସ୍ଥାରେ କଟକରେ  ଚିକିତ୍ସାଧିନ ଥିବାର ଜଣାଯାଇଛିା । ଚିକିତ୍ସା  ପକ୍ରୀୟା ଆରମ୍ଭ ହେବା ପରେ ଦୂତୀକୃଷ୍ଣ ଆଜି ଓଡଗାଁ ଥାନାରେ ଅଭିଯୋଗ କରିଥିଲେ । ଓଡଗାଁ ପୋଲିସ ୯୪/୧୯ରେ ମାମଲା ରୁଜୁକରି ତଦନ୍ତ ଆରମ୍ଭ କରିଛନ୍ତି । ଅଭିଯୋଗରୁ ଜଣାଯାଏ ଲକ୍ଷ୍ମୀ ଏବଂ ତାଙ୍କ ଯା ଟିକିନା ବେହେରାଙ୍କ ସ୍ତ୍ରୀ ରୁବି ବେହେରାଙ୍କ ମଧ୍ୟରେ ପାରିବାରିକ କଳହ ଓ ଅଶାନ୍ତି ଲାଗିରହିଥରଲା । ଗତ ୫ ତାରିଖ ସକାଳେ ପୋଖରି ତୁଠରେ ଦୁଇ ଯା ଗାଧୋଉଥିବା ସମୟରେ ଉଭୟଙ୍କ ମଧ୍ୟରେ ବଚସା ହୋଇଥିଲା । ରୁବି ଲକ୍ଷ୍ମୀ ବେହେରାଙ୍କ ମୁଣ୍ଡକୁ ପୋଖରି ପାହାଚ ପଥରରେ ଛେଚି ଦେବାରୁ ତାଙ୍କର ମୁଣ୍ଡ ଫାଟିଯାଇଥିଲା । ସଙ୍ଗେ ସଙ୍ଗେ ଲକ୍ଷ୍ମୀଙ୍କୁ  ଚିକିତ୍ସା ପାଇଁ ଓଡଗାଁ ଡାକ୍ତରଖାନା ଅଣାଯାଇଥିଲା । ପ୍ରାଥମିକ  ଚିକିତ୍ସା ପରେ ତାଙ୍କୁ କଟକ ସ୍ଥାନାନ୍ତର କରାଯାଇଥିଲା ।