ନୂଆପଡା. (Amit Purohit); ସଦର ବ୍ଲକ ଅନ୍ତର୍ଗତ ସାହିପଲା ଡେମରେ ସାଙ୍ଗ ମାନଙ୍କ ସହିତ ଗାଧେଇବାକୁ ଯାଇଥିବା ସମୟରେ ପାଣିରେ ବୁଡି ଜିଲ୍ଲା ପରିଷଦ ଉପାଧ୍ୟକ୍ଷଙ୍କ ପୁତୁରା ପ୍ରତ୍ୟୁଷ ମାଝୀ (୧୮) ଙ୍କ ମୃତ୍ୟୁ  ଘଟିଛି । ସୂଚନା ଅନୁସାରେ ପ୍ରତୁ୍ୟଷ ସକାଳ ୧୦ ଟା ସମୟରେ ତାଙ୍କର ୨ ଜଣ ସାଙ୍ଗ ମୋହିତ ରାମ ମାଝୀ ଓ ରାଜନ ଚିନ୍ଦା ଙ୍କ ସହ ଏକ ମୋଟର ସାଇକଲରେ ସାହିପଲା ଡ୍ୟାମକୁ ଗାଧେଇାକୁ ଯାଇଥିଲେ । ଗାଧେଇବା ସମୟରେ ପ୍ରତ୍ୟୁଷ ଗଭୀର ପାଣି ମଧ୍ୟକୁ ଧସିଯାଇଥିଲେ । ନିକଟରେ ଥିବା ସାଙ୍ଗ ମାନେ ମଧ୍ୟ ପହଁରା ଜାଣି ନ ଥିବାରୁ ତାଙ୍କୁ ଉଦ୍ଧାର କରି ପାରି ନ ଥିଲେ । ସାଙ୍ଗମାନଙ୍କ ଆଖି ସାମନାରେ ପ୍ରତ୍ୟୁଷ ପାଣିରେ ବୁଡି ଯାଇଥିଲେ । ସାଙ୍ଗମାନେ ଫୋନ ଯୋଗେ ପରିବାର ବର୍ଗ ଅଗ୍ନିସମ ବିଭାଗ ଓ ପୋଲିସ କୁ ଖବର ଦେଇଥିଲେ । ଅଗ୍ନିସମ ବିଭାଗ ବହୁତ ଖୋଜାଖୋଜି ପରେ ଶବ ଉଦ୍ଧାର କରିଥିଲେ । ଶବକୁ ପୋଲିସ ଜବତ କରି ବ୍ୟବଛେଦ ପାଇଁ ଜିଲ୍ଲା ମୁଖ୍ୟ chikitsalayକୁ ପଠାଇ ଦେଇଥିବା ସଦର ଥାନା ଅଧିକାରୀ ଆଦିତ୍ୟ ମହାକୁଡ ସୂଚନା ଦେଇଥିଲେ । ପ୍ରତ୍ୟୁଷଙ୍କ ଏପରି ଅକାଳ ମୃତ୍ୟୁରେ ପରିବାରବର୍ଗ ଓ ଅଂଚଳରେ ଶୋକାକୂଳ ପରିବେଶ ଛାଇଯାଇଛି ।