ନୂଆପଡା/ପ୍ରିୟବ୍ରତ ପଣ୍ଡା , ବୋଡେ଼ନ ବ୍ଲକର ଭଇଁସାଦାନୀ ଗ୍ରାମରୁ ଆସିଛି ଏକ ଲୋମହର୍ଷଣକାରୀ ଚିତ୍ର | ଜଣେ ଯୁବକଙ୍କୁ ଭାଲୁ କାମୁଡି ରକ୍ତାକ୍ତ କରିଛି । ଭାଲୁ ଆକ୍ରମଣ ଏହି ଅଞ୍ଚଳରେ ନୂଆ ନୁହେଁ ହେଲେ ଜୀବନ ଜୀବିକା ପାଇଁ ଜଙ୍ଗଲ ରାସ୍ତା ଦେଇ ଗମନା ଗମନ କରୁଥିବା ନିରୀହ ଗରିବ ଲୋକମାନଙ୍କ ପାଇଁ ଏହା ସାଜିଛି ଏକ ଅଭିଶାପ । ଟଂକଧର ପହରିଆ (୩୦) ପିତା କମଳ ପହରିଆ ଆଜି ଭାଲୁ ଆକ୍ରମଣର ଶିକାର ହୋଇ ଡାକ୍ତରଖାନାରେ ଚିକିତ୍ସିତ ହେଉଛନ୍ତି । ସମାଜସେବୀ ସୌଦାଗର ସାହୁ ତାଙ୍କୁ ସ୍ୱାସ୍ଥ୍ୟ ସେବା ଯୋଗେଇବାରେ ସହଯୋଗ କରିଥିବା ବେଳେ ବିଭାଗୀୟ ଅଧିକାରୀଙ୍କୁ ଅବଗତ କରାଇ ସରକାରୀ ସହଯୋଗ ଶୀଘ୍ର ଯୋଗେଇବା କୁ ଅନୁରୋଧ କରିଛନ୍ତି ।