କଳାହାଣ୍ଡି ଜିଲ୍ଲା/ ତୁଲମଣି ନାଗ : ଗୋଲାମୁଣ୍ଡ ଥାନା ଅନ୍ତର୍ଗତ ଘୋଟିଆ ଗ୍ରାମରେ ଘଟିଛି ଏକ ଅଭାବନୀୟ ଘଟଣା। ରବିବାର ଦିନ ଦୁଇ ପ୍ରହରେ ପ୍ରବଳ ପବନ ବର୍ଷା ସହିତ ବିଜୁଳି ମାରିଥିଲା । ଠିକ ଏହି ସମୟରେ ଘୋଟିଆ ଗ୍ରାମର କେତେ ପିଲା ମାନେ ଓ ଜଣେ ବୃଦ୍ଧା ଆମ୍ବ ଗଛ ମୂଳରେ ଆଶ୍ରୟ ନେଇଥିଲେ। ଠିକ ଏହି ସମୟରେ ବଜ୍ର ଘାତ ହେବାରୁ ଜଣେ ବାଳିକାର ମୃତ୍ୟୁ ହେବା ସହିତ ଆମ୍ବ ଗଛ ମଧ୍ୟ ଭାଙ୍ଗି ତଳେ ପଡିଯିବା ଯୋଗୁଁ ଆଶ୍ରୟ ନେଇଥିବା ପାଞ୍ଚ ଜଣ ମଧ୍ୟ ଗୁରୁତର ଆହତ ହୋଇଥିଲେ ।ଗୁରୁତର ଲାକଙ୍କୁ ଧର୍ମଗଡ଼ ଡାକ୍ତରଖାନା ଭର୍ତ୍ତି କରିବା ପରେ ଅବସ୍ଥା ସଙ୍କଟାପନ୍ନ ଥିବାରୁ ଜିଲ୍ଲା ମୁଖ୍ୟ ଚିକିତ୍ସାଲୟକୁ ସ୍ଥାନତାରିତ କରିଥିଲେ । ଅନ୍ୟ ପଟେ ଘଟଣା ସ୍ଥଳରେ ମୃତୁ ହୋଇ ଯାଇଥିବା ସାନ ରଣାଙ୍କ 12 ବର୍ଷର ଝିଅ କମଳିନୀ ରଣାଙ୍କୁ ଗୋଲାମୁଣ୍ଡା ପୋଲିସ ଏସ ଆଇ ଦାସିଆ ସେଟ ନିଜର ଦଳବଳ ସହିତ ପହଞ୍ଚି ଶବ ଜବତ କରିବା ସହିତ ବ୍ୟବଚ୍ଛେଦ ପାଇଁ ଧର୍ମଗଡ଼ ଉପଖଣ୍ଡ ଚିକିତ୍ସାଲୟ କୁ ପଠାଇ ଥିଲେ । ଏହି ସମୟ ରେ ସରପଞ୍ଚ ଶରତ ରଣା ମଧ୍ୟ ଉପସ୍ଥିତ ରହି ଥିଲେ ।