ବାରିପଦା(ଦିଲ୍ଲୀପ ମହାନ୍ତି) ଆଜି ଅପରାହ୍ନରେ ମୟୁରଭଞଜିଲା ବଡସାହି ଅଞ୍ଚଳରେ ବଜ୍ରପାତ ରେ ଦୁଇଜଣଙ୍କର ମୃତ୍ୟୂ ଘଟିଥିବାର ସୂଚନା ଜଣାପଡିଅଛି । ଅପରାହ୍ନ ପାଖାପାଖି ୨ ଟା ସମୟରେ ବୁଢାବଳଙ୍ଗ ନଦୀର ନିଶ୍ଚିନ୍ତପୁର ଘାଟରେ ଏକ ଟ୍ରାକ୍ଟରରେ ବାଲି ବୋଝେଇ କରୁଥିବା ସମୟରେ ହଠାତ କାଳ ବୈଶାଖୀ ମାଡିଆସିଲା । ଏହି ସମୟରେ ବଜ୍ରପାତ ହେବାରୁ ଘଟଣାସ୍ଥଳରେ ଟ୍ରାକ୍ଟର ଡ୍ରାଇଭର ଓ ଶ୍ରମିକ ର ମୃତ୍ୟୁ ଘଟିଥିଲା । ମୃତକ ମାନେ ହେଲେ ଉକ୍ତ ଥାନା ଅନ୍ତର୍ଗତ ବେଲପାଳ ଗ୍ରାମର ଡ୍ରାଇଭର ନିରଞନ ବିଶୋଇ (୪୦) ଓ ଶ୍ରମିକ ମୁନା ବିଶୋଇ(୨୨) । ଘଟଣା ସ୍ଥଳରୁ ବଡସାହି ଦମକଳ ବାହିନୀ ଦୁଇ ଜଣଙ୍କୁ ଉଦ୍ଧାର କରି ବଡସାହି ଡାକ୍ତରଖାନାକୁ ଆଣିବାପରେ ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ ।