ଓଡଗାଁ,(ଶ୍ରୀକାନ୍ତ ମିଶ୍ର) : ଓଡଗାଁଥାନା ଗିରିଡିପଲ୍ଲୀ ଅନ୍ତର୍ଗତ ଡହଙ୍ଗି ଗ୍ରାମରେ କମେଂଟମରାକୁ କେନ୍ଦ୍ରକରି ୨ପରିବାର ମଧ୍ୟରେ ଗଣ୍ଡଗୋଳ ଯୋଗୁଁ ଓଡଗାଁ ଥାନାରେ ୨ଟି ମାମଲା ରୁଜୁ ହୋଇଛି । ଗୋଟିଏ ପକ୍ଷର ସତ୍ୟ ସୁନ୍ଦର ପାଣିଗ୍ରାହୀଙ୍କୁ ପୋଲିସ ଗିରଫ କରି କୋର୍ଟ ଚାଲାଣ  କରିଥିଲା ବେଳେ ଘଟଣାରେ ସମ୍ପୃକ୍ତ ଅନ୍ୟ ୫ଜଣ ଏପର୍ଯ୍ୟନ୍ତ ଗିରଫ ହୋଇନାହାନ୍ତି । ଘଟଣାରୁ ପ୍ରକାଶ ସତ୍ୟସୁନ୍ଦର ପାଣିଗ୍ରାହୀଙ୍କ ଅଭିଯୋଗ ଅନୁସାରେ ତାଙ୍କର ନାବାଳିକା ଝିଅକୁ ପୁର୍ଣ୍ଣଚନ୍ଦ୍ର ପାଣିଗ୍ରାହୀଙ୍କ ପୁଅ ପପୁ ପାଣିଗ୍ରାହୀ ଗତ ୧୭ତାରିଖ ଦିନ ଅପରାହ୍ନରେ ଅଶ୍ରୀଳ କମେଂଟ କରିଥିଲା । ଏହି ଘଟଣାକୁ ନେଇ ୧୮ତାରିଖ ଦିନ ରାତି ୯ଟା ବେଳେ ଉଭୟ ପକ୍ଷ ମଧ୍ୟରେ ଗଣ୍ଡଗୋଳଘଟି ମୁଣ୍ଡ ଫଟିବା ପର୍ଯ୍ୟନ୍ତ କଥା ଯାଇଥିଲା । ସତ୍ୟ ସୁନ୍ଦର ପାଣିଗ୍ରାହୀଙ୍କ ଅଭିଯୋଗ କ୍ରମେ  ଅନ୍ୟ ପକ୍ଷର ପୁର୍ଣ୍ଣଚନ୍ଦ୍ର ପାଣିଗ୍ରାହୀ, ପପୁ ପାଣିଗ୍ରାହୀ, ସୁବାସ ପାଣୀଗ୍ରାହୀ, ପ୍ରକାଶ ପାଣିଗ୍ରାହୀଙ୍କ ନାମରେ ୭୫/୧୯ରେ ମାମଲା ରୁଜୁ ହୋଇଥିବା ବେଳେ ଅନ୍ୟ ପକ୍ଷର ପୁର୍ଣ୍ଣଚନ୍ଦ୍ର ପାଣିଗ୍ରାହୀଙ୍କ ସ୍ତ୍ରୀ ରିନା ପାଣିଗ୍ରାହୀଙ୍କ ଅଭିଯୋଗ ଅନୁସାରେ ସତ୍ୟ ସୁନ୍ଦର ପାଣିଗ୍ରାହୀ ଓ ଦୋଳଗୋବିନ୍ଦ ପାଣିଗ୍ରାହୀଙ୍କ ନାମରେ ୭୬/୧୯ରେ ପୋଲିସ ମାମଲା ରୁଜୁ କରିଥିଲା । କୋର୍ଟଚାଳାଣ ହୋଇଥରବା ସତ୍ୟ ସୁନ୍ଦରଙ୍କ ଜାମିନି ଖାରଝ ହେବାରୁ ତାଙ୍କୁ ବିଚାର ବିଭାଗୀୟ  ହାଜତକୁ ପଠାଇ ଦିଆଯାଇଛି ।