କୋମନା/ଭାଗିରଥି ଭୋଇ- ନୂଆପଡା ଜିଲ୍ଲା କୋମନାରେ ଅଂଶୁଘାତରେ ଚାଲି ଗଲାଣି ୩ କୀବନ । ଏହି ବ୍ଲକ ପଲସିପାଣି ପଂଚାୟତ କାସିପଲା ଓ ଲଖନା ଥାନା ଭୁର୍କାଢୋଡା ରେ ୨ ଜଣଙ୍କ ଜୀବନ ହାନି ହୋଇଥିବା ବେଲେ ଆଜି ବୁଦ୍ଧିକୋମନା ଗ୍ରାମରେ ଜଣଙ୍କର ମୃତ୍ୟୁ ହୋଇଥିବା ଅଭିଯୋଗ ହୋଇଛି । ସୂଚନା ଅନୁସାରେ, ଏହି ଗ୍ରାମ ର ମହାବୀର ସିଂ ନାୟକ (୭୫) ଗତ ଶୁକ୍ରବାର ଉଦ୍ୟାନବନ୍ଧ କୁ ଯାଇ ଫେରୁ ଥିବା ବେଲେ ରାସ୍ତାରେ ଚେତାଶୂନ୍ୟ ହୋଇଯାଇଥିଲେ । ପ୍ରଥମେ ତାଙ୍କୁ କୋମନା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରେ ଭର୍ତି କରାଯାଇଥିଲା । ସ୍ୱାସ୍ଥ୍ୟବସ୍ଥାରେ ସୁଧାର ନ ଆସିବାରୁ ତାଙ୍କୁ ଜିଲ୍ଲା ମୂଖ୍ୟ ସ୍ୱାସ୍ଥ୍ୟ କେନ୍ଦ୍ରକୁ ନିଆଯାଇଥିଲା । ସେଠାରେ ଶନିବାର ରାତି ୧୨ ଟାରେ ତାଙ୍କର ମୃତ୍ୟୁ ହୋଇଥିବା ପରିବାର ଲୋକେ କହିଛନ୍ତି । ନୂଆପଡା ଜିଲ୍ଲାରେ ତାପମାତ୍ରା ଦିନବେଲା ୪୫ ଡିଗ୍ରୀ ସାଙ୍ଗକୁ ଗରମ ଝାଞ୍ଜି ପବନ ଜନଜୀବନକୁ ଅସ୍ତବ୍ୟସ୍ତ କରିଦେଉଛି । ପରିସ୍ଥିତି କୁ ନଜର ରେ ରଖି ନୂଆପଡା ଜିଲା ସମେତ ମୋଟ ୧୧ ଟି ଜିଲାକୁ ୟୋଲୋ ୱାର୍ନିଂ ଜାରି କରିଛି ଆଂଚଳିକ ପାଣିପାଗ ବିଭାଗ । ଯଥା ସମ୍ଭବ ଟାଣ ଖରା ରେ ପଦାକୁ ନ ବାହାରିବା, ନିଜକୁ ସୁରକ୍ଷିତ ରଖିବାକୁ ପରାମର୍ଶ ଜାରି କରିଛି ବିଭାଗ ।
