କୋମନା ବିଡିଓ ଙ୍କ ସହ ତିନି ଜଣଙ୍କ ନାଁ ରେ ମାମଲା ରୁଜୁ
ନୂଆପଡା. ୧୬/୦୫/; ସଦର ଥାନା ଅନ୍ତର୍ଗତ ହୋଟେଲ ସୁଖ ସାଗରରେ ରାତ୍ର ଭୋଜନ ବେଳେ ମହିଳା ଙ୍କୁ ର୍ଦୁବ୍ୟହାର କରିଥିବା ଅଭିଯୋଗ ରେ କୋମନା ବିଡିଓ ଙ୍କ ସହ ୩ ଜଣ ଙ୍କ ନାଁ ରେ ଥାନାରେ ମାମଲା ରୁଜୁ ହୋଇଛି । ନୂଆପଡା ଥାନା ଅଧିକାରୀ ଅଦିତ୍ୟ ମହାକୁଡ ଙ୍କ ସୂଚନା ଅନୁସାରେ ନୂଆପଡା ବି.ଜେ.ଡି ଯୁବ ସଭାପତି ରାଜେଶ ନିଗମ ପତ୍ନୀ ଅନାମିକା ନିଗମ, ଭାଉଜ ମିନାକ୍ଷୀ ନିଗମ, ଭାଇ ଅନୁରାଗ ଙ୍କ ସହିତ ସ୍ଥାନିୟ ସୁଖ ସାଗର ହୋଟେଲ କୁ ରାତ୍ର ଭୋଜନ ପାଇଁ ଆସିଥିଲେ । ରାଜେଶଙ୍କ ପରିବାର ଗୋଟିଏ ଟେବୁଲରେ ବସିଥିଲା ବେଳେ ସାମନା ପଟ ଟେବୁଲରେ କୋମନା ବିଡିଓ ଶ୍ୟାମଲ ରାଏ ଓ ତାଙ୍କ ସହ ରମେଶ ଦୀପ, ବିରଂଚି ଉଦଣ୍ଡ ରାଏ, ଶକୁନ୍ତଳା ଦାସ ଓ ଅନ୍ୟ ଦୁଇ ଜଣ ବସି ଥିଲେ । ସେମାନେ ରାଜେଶ ଙ୍କ ଭାଉଜ ଓ ତାଙ୍କ ପତ୍ନୀ ଙ୍କୁ ଖରାପ ଇଙ୍ଗିତ କରିଥିଲେ । ଏହାକୁ ରାଜେଶ ବିରୋଧ କରିବାରୁ ବିଡିଓ ଏବଂ ତାଙ୍କ ସହଯୋଗି ଗାଳିଗୁଲଜ କରିବା ସହ ତାଙ୍କ ପାଖରେ ବନ୍ଧୁକ ଅଛି ଓ ଗୁଳି କରିଦେବାର ଧମକ ଦେଇଥିଲେ । ଏନେଇ ରାଜେଶ ନୂଆପଡା ଥାନାରେ ଏକ ଲିଖିତ ଅଭିଯୋଗ କରିଛନ୍ତି । ଅଭିଯୋଗକୁ ଭିର୍ତ୍ତି କରି କେଶ ନଂ.୫୬ ରେ କୋମନା ବିଡିଓ ଙ୍କ ସହ ଅନ୍ୟ ୩ ଜଣ ଙ୍କ ନାଁ ରେ ମାମଲା ରୁଜୁ କରାଯାଇଛି । ଅନ୍ୟ ପକ୍ଷରେ ନୂଆପଡା ଥାନାରେ ଅତିରୀକ୍ତ ଜିଲ୍ଲାପାଳ ସିତାରାମ ପଟେଲ ନୂଆପଡା ପି.ଡି ଡି.ଆର.ଡି.ଏ ବୃଷବ ଚନ୍ଦ୍ର ନାଏକ ପହଂଚି ମାମଲା ସର୍ମ୍ପକରେ ଆଲୋଚନା କରିଥିବା ଜଣା ପଡିଛି ।
