ପଦ୍ମପୁର/ଶାସକ ପ୍ରଶାସକ: ପଦ୍ମପୁର ଉପଖଣ୍ଡ ଅନ୍ତର୍ଗତ ସର୍ଗିବାହାଲ ବସଷ୍ଟାଣ୍ଡ ନିକଟରେ ଥିବା କେନ୍ଦୁପତ୍ର ଅଫିସ ପାଖରେ ଆଜି ସକାଳ ୫ଟା ସମୟରେ ଏକ ପ୍ଲାଷ୍ଟିକ ଗ୍ଲାସ୍ ବୋଝେଇ ଛୋଟାହାତୀ( OD 17 L 7773) ବରପାଲି ରୁ ପଦ୍ମପୁର ଅଭିମୁଖେ ଯାଉଥିବା ବେଳେ ସାମ୍ନା ପଟରୁ ଆସୁଥିବା ନବପ୍ରଭାତ ଗୁରୁକୁଳ ଆଶ୍ରମର ସ୍କୁଲ ବସ୍ (OD 17 N 8814) ସାଥିରେ ମୁହାଁ ମୁହିଁ ଧକ୍କା ହୋଇଥିଲା । ଫଳରେ  ଗାଡ଼ିରେ ଚାପିହୋଇ ଘଟଣାସ୍ଥଳରେ ଛୋଟାହାତୀର ଡ୍ରାଇଭର, ବରପାଲି ଭଟିଗାଁ ର ସୁଦାମ ଭୋଇଙ୍କର ମୃତ୍ୟୁ ଘଟିଥିବା ବେଳେ ବସରେ ସ୍କୁଲ ପିଲା ବସିନଥିଲେ ଏବଂ  ବସ୍ ର ଡ୍ରାଇଭର ଘଟଣା ସ୍ଥଳରୁ ଫେରାର ହୋଇଯାଇଥିଲେ । ପଦ୍ମପୁର ଅଗ୍ନିଶମ କର୍ମଚାରୀ ମାନେ ଆସି ଗାଡିରୁ ମୃତ ଦେହ ଉଦ୍ଧାର କରିବା ପରେ ପଦ୍ମପୁର ପୋଲିସ ଘଟଣାସ୍ଥଳକୁ ଆସି ମୃତ ଦେହକୁ ବ୍ୟବଚ୍ଛେଦ ପାଇଁ ପଦ୍ମପୁର ଡାକ୍ତରଖାନାକୁ ପଠାଇଥିଲେ ଏବଂ  ଦୁର୍ଘଟଣା ଗ୍ରସ୍ତ ଗାଡ଼ି ଦୁଇଟି କୁ ଜବତ କରିଥିଲେ ।