ଗାଇସିଲେଟ/କେଦାର ନାଥ ସାହୁ:ବରଗଡ ଜିଲ୍ଲା ଅନ୍ତର୍ଗତ ଗାଇସିଲେଟ ବ୍ଲକର ବିଭିନ୍ନ  ସ୍ଥାନରେ ଗତ ସନ୍ଧ୍ୟା ପ୍ରାୟ ପାଞ୍ଚଟା ସମୟରେ ପ୍ରବଳ ପବନ ବହିବା ସହ ବର୍ଷା ଓ କୁଆପଥର ପଡିଥିଲା। ତାଲପାଲି ଗ୍ରାମ ପଞ୍ଚାୟତର ଜନକେଡା ଗ୍ରାମରେ ଏହି ଆକସ୍ମିକ ବର୍ଷା ଫଳରେ ପାଞ୍ଚଟି ପରିବାରର ଘର ନଷ୍ଟ ହୋଇଯାଇଛି।ଉକ୍ତ ଗ୍ରାମର ହରିଜନ ପଡାରେ ଥିବା ଟେକେରାଜ କୁମ୍ଭାର,କୁତୁରୁ କୁମ୍ଭାର,ବଳରାମ କୁମ୍ଭାର ଏବଂ ଦାମୋଦର କୁମ୍ଭାର ଏବଂ ଅଷ୍ଟମୀ କୁମ୍ଭାରଙ୍କ ବାସଗୃହ ନଷ୍ଟ ହୋଇଯାଇଛି ।ସ୍ଥାନୀୟ ସରପଞ୍ଚ ଶ୍ରୀଯୁକ୍ତ ସୁଶାନ୍ତ ସାହୁ ଘଟଣା ସ୍ଥାନକୁ ଯାଇ ଅନୁଧ୍ୟାନ କରିବା ପରେ କ୍ଷତି ପୂରଣ ପାଇଁ ସହଯୋଗ କରିବା ପାଇଁ  ପ୍ରତିକ୍ରିୟା ଦେଇଛନ୍ତି ଏବଂ ସରକାରଙ୍କୁ ମଧ୍ୟ ଏ ସମ୍ପର୍କରେ ସହଯୋଗ କରିବାପାଇଁ ଅନୁରୋଧ କରିଛନ୍ତି।