ଓଡଗାଁ,(ଶ୍ରୀକାନ୍ତ ମିଶ୍ର) : ସ୍ଥାନୀୟ କଲେଜ ନିକଟରେ ଅଟୋସହିତ ଏକ ବାଇକର ମୁହାଁ ମୁହିଁ ଧକା ହେବା ଫଳରେ ବାଇକ ଚାଳକ ଆଇବ ପ୍ରଧାନ(୨୫)ଙ୍କ ଦୁର୍ଘଟଣାରେ ମୃତ୍ୟୁ ଘଟିଛି । ତାଙ୍କର ଘର କନ୍ଧମାଳ ଜିଲ୍ଲ ଦାରିଙ୍ଗିବାଡି ଥାନା କିରିକୁଟି ଅନ୍ତର୍ଗତ ଡେବାକ୍ଡାଉ ଗ୍ରାମବୋଲି ଜଣାପଡିଛି । ମଙ୍ଗଳବାର ଦିନ ରାତିରେ ଆଇବ ତାଙ୍କର ଓଆର ୦୨ ବିଏମ ୭୦୫୦ ବାଇକ୍ ଯୋଗେ ଭୁବନେଶ୍ୱରରୁ ଦାରିଙ୍ଗିବାଡି ଯାଉଥିଲେ । ଓଡଗାଁରୁ ଯାଉଥିବା ଓଆର ୦୭୫୯୦୪୪ ଡାଲା ଅଟୋଟି ଅନ୍ୟଏକ ଅଟୋକୁ ଅତିକ୍ରମ କରୁଥରବା ବେଳେ ବାଇକ୍ ସହ ଧକା ହୋଇଥିଲା । ଗୁରୁତର ଆହତ ଆଇବ ପ୍ରଧାନକୁ ପ୍ରଥମେ ଓଡଗାଁ  ଡାକ୍ତରଖାନାରେ ପ୍ରାଥମିକ ଚିକିତ୍ସା  କରାଯାଇ ପରେ ନୟାଗଡ ପଠାଇ ଦିଆଯାଇଥରଲା । ସେଠାରେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିଲା । ପିତା କସିନ୍ଦ୍ର ପ୍ରଧାନଙ୍କ ଅଭିଯୋଗ ଅନୁସାରେ ୬୪/୧୯ରେ ମାମଲା ରୁଜୁକରି ଓଡଗାଁ ପୋଲିସ ଅନୁସନ୍ଧାନ କରୁଛି ।