ଧର୍ମଗଡ଼ରୁ ସୁଶାନ୍ତ ରାଉତ:କଳାହାଣ୍ଡି ଜିଲ୍ଲା ଆମପାଣି ଥାନା ଅନ୍ତର୍ଗତ ସିଉନି ଗ୍ରାମରେ  ଗତକାଲି ଏକ ହୃଦୟ ବିଦାରକ ଘଟଣା ଘଟିଛି । ବରାଡ଼ଙ୍ଗା ଗ୍ରାମପଂଚାୟତ ସିଉନି ଗ୍ରାମର ପ୍ରଦୀପ କୁମାର ବେହେରା (୪୫)ନିଜ ଜମିରେ ଥିବା ପଲାସା ଗଛରେ, ବେକରେ କପଡା ଲଗେଇ ଆତ୍ମହତ୍ୟା କରିଥିବା ଜଣାପଡିଛି ।ମଦଭାଟି କର୍ମଚାରୀ ମାନଙ୍କ ମାଡ ଓ ଅପମାନ ସହିନପାରି ଆତ୍ମହତ୍ୟା କରିଥିବା ଅଭିଯୋଗ ଆଣିଲେ ପରିବାର ବର୍ଗ ଏନେଇ ପରିବାର ପକ୍ଷରୁ ଆମପାଣି ଥାନାରେ ଅଭିଯୋଗ କରାଯାଇଛି । ପରିବାର ଲୋକଙ୍କ ଅଭିଯୋଗ ଅନୁସାରେ ମଦଭାଟିର କର୍ମଚାରୀ ମାନେ ପ୍ରଦୀପଙ୍କୁ ମାଡ ମାରି ଅପମାନ କରିଥିବା ସହି ନ ପାରି ସେ ଆତ୍ମହତ୍ୟା କରିଥିବା ଜଣେଇଛନ୍ତି । ଘଟଣା ସ୍ଥଳରେ ଆମପାଣି ଥାନା ଏଏସଆଇ ରମେଶ ଚନ୍ଦ୍ର ପଟ୍ଟନାୟକ ଆସି ଶବ ଜବତ କରି ବ୍ୟବଛେଦ ପାଇଁ କୋକସରା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରକୁ ପଠେଇ ଦେଇଥିଲେ  । ଏ ବିଷୟରେ ଆମପାଣି ଥାନାଧିକାରିଙ୍କୁ ପଚାରିବାରୁ ସେ Ud 1/19 ରେ ଏକ ମାମଲା ରୁଜୁ କରି ତଦନ୍ତ ଜାରି ରହିଥିବା ପ୍ରକାଶ କରିଥିଲେ ।