ଓଡଗାଁ,(ଶ୍ରୀକାନ୍ତ ମିଶ୍ର)  : ନୟାଗଡଜିଲ୍ଲା ଅବକାରୀ ଅଧିକ୍ଷକ ହମିଦୁଲା ଖାନଙ୍କ ନିର୍ଦ୍ଦେଶ  କ୍ରମେ ଅବକାରୀ ନିରିକ୍ଷକ ମୃତ୍ୟୁଞ୍ଜୟ ବେହେରାଙ୍କ ନେତୃତ୍ୱରେ ଓଆଇସି ବାଳକୃଷ୍ଣ ପରିଡା, ଏଏସଆଇ ପ୍ରଫୁଲ୍ଲ କୁମାର ଗୁରୁ, ପୁରୁଷୋତମ ପ୍ରଧାନ, କନେଷ୍ଟବଲ ବିକାଶ, ନୀଳ, ଶୁଭ ଏବଂ ବିଜୟ ନାୟକଙ୍କ ସହଯୋଗରେ ଆଜି ସକାଳେ ଓଡଗାଁ ଅଂଚଳର କୋମଣ୍ଡ, ଶାଳିଆପଲ୍ଲୀ ଓ ଟିଙ୍କ ପଡିଆରେ ମିଳିତ ଚଢାଉ କରି ୧୯ଲିଟର ଦେଶୀ ମଦ ୧୨ଟି ରସଡେକ୍ଚି ଜବତ କରିବା ସହିତ ଗୁଡରେ ପ୍ରସ୍ତୁତ ହୋଇ ରହିଥିବା ୬୦୦ ଲିଟର ପୋଚ ନଷ୍ଟ କରିଥିବା ଜଣାଯାଇଛି । ଏବଂ ୩ଜଣକୁ ଗିରଫ କରି କୋର୍ଟଚାଲାଣ କରିଛନ୍ତି । ଗିରଫମାନେ ହେଲେ ଶାଳିଆ ପଲ୍ଲୀର ମାଦବ ଜାନୀ, କୋମଣ୍ଡର କାଳିଆ ନାୟକ ଓ ଡାକ ନାୟକ । ସେମାନଙ୍କୁ ଜେଏମଏଫସି ଓଡଗାଁଙ୍କ ବିଚାରଳୟ ପଠାଇଦିଆଯାଇଛି ।