ନୂଆପଡା./ ଅମିତ ପୁରୋହିତ ; ରାତି ପାହିଲେ ନିର୍ବାଚନ, ନିର୍ବାଚନ ସରକ୍ଷିତ ଦୃଷ୍ଟିରେ ରଖି ଏସ୍.ଓ.ଜି, ସି ଆର ପି ଏଫ୍ ଓ ଡିଭିଏଫ ଜବାନ ମାନଙ୍କ ମିଳିତ କମ୍ବିଂ ଅପରେସନ ଗତ ୮ ତାରିଖ ରୁ ଜୋରଦାର କରାଯାଇଥିଲା । ଅପରେସନ ଚାଲୁଥିବା ବେଳେ ଗତ କାଲି ସଂନ୍ଧ୍ୟା ୫ ସମୟରେ ବୋଡେନ ବ୍ଲକ ଅନ୍ତର୍ଗତ ପାତ୍ତଧରା ଫରେଷ୍ଟ ଅଞ୍ଚଳର କୋଦୋଭଟା ଜଙ୍ଗଲରେ ହଠାତ ଜବାନ ମାନଙ୍କ ଉପରେ ଗୁଲି ମାଡ ହୋଇଥିଲା ଓ ଜବାନ ମାନଙ୍କ ତରଫରୁ ପାଲଟା ଜବାବ ଦିଆଯାଇଥିଲା ବୋଲି ନୂଆପଡା ଆରକ୍ଷୀ ଅଧିକ୍ଷକ ଡ. ସ୍ମିତ ପି ପରମାର ଆଜି ଏକ ଖବରଦାତା ସମ୍ମିଳନୀରେ ସୂଚନା ଦେଇଥିଲେ । ସୂଚନା ମୁତାବକ ଜବାନ ମାନଙ୍କ ପାଲଟା ଆକ୍ରମଣରେ ମାଓବାଦୀ ଛତ୍ରଭଙ୍ଗ ଦେଇଥିଲେ । ପରେ ଜବାନ ମାନେ ଏକ ମାଓ କ୍ୟାମ୍ପ ଠାବ କରିବା ସହ ବିପୁଳ ପରିମାଣ ର ମାଓ ସାମଗ୍ରୀ ଜବତ କରିଥିଲେ ।ସାମଗ୍ରୀ ମଧ୍ୟରେ ମାଓ ୟୁନିଫର୍ମ, ପ୍ରେସରକୁକର, ଜିଲାଟିନ, ମେଗେଜିନ, ତାର, ପଲିଥିନ, ଏବଂ ନିତ୍ୟ ବ୍ୟବହାର୍ଯ୍ୟ ସାମଗ୍ରୀ ରହିଛି ।
