ନୂଆପଡା(ଅମିତ ପୁରୋହିତ) ; ଜିଲ୍ଲା ସଦର ମହକୁମା ଠାରୁ ମାତ୍ର ୭ କି.ମି ଦୂର ରେ ଥିବା କୋଟେନଚୁଆଁ ଜଙ୍ଗଲରେ ଗତ କାଲି ରାତିରେ ଏକ ଜୁଆ ଆଡ୍ଡା ଉପରେ ହଠାତ ନୂଆପଡା ପୋଲିସ ଚଢଉ କରି ୩ ଜଣକୁ ଗିରଫ କରିଛି । ସୂଚନା ମୁତାବକ ନୂଆପଡା ଏସ୍.ପି ଡ. ସ୍ମିତ.ପି.ପରମାରଙ୍କ ନିର୍ଦ୍ଦେଶ କ୍ରମେ ନୂଆପଡା ଥାନା ଆଇ.ଆଇ.ସି ଆଦିତ୍ୟ ମହାକୁଡଙ୍କ ନେତୃତ୍ୱରେ ଏକ ଟିମ କୋଟେନଚୁଆଁ ଜଙ୍ଗଲରେ ଜୁଆ ଆଡ୍ଡା ଚାଲିଥିବାର ସୂଚନା ପାଇ ଗତ କାଲି ରାତିରେ ଚଢଉ କରିଥିଲା । ଏଥିରେ ନଗଦ ୭୦୦୦ ହଜାର ଟଙ୍କା, ୩ ଟି ମୋବାଇଲ, ୧୧ ଟି ମୋଟର ସାଇକଲ ଘଟଣା ସ୍ଥଳରୁ ଜବତ କରିବା ସଙ୍ଗେ ସଙ୍ଗେ ଜାକିର ଖାଁ, ପ୍ରେମ ତାଣ୍ଡି, ସଞୟ କୁମାର ଜଏସ୍ୱାଲ ନାମକ ୩ ଜଣ ବ୍ୟକ୍ତିଙ୍କୁ ଗିରଫ କରିଥିଲା । ଅନ୍ୟମାନେ ଯଥା ରାଜୁ ଖାଁ, ଆଭାସ ଖାଁ, ହାରୁନ ଖାଁ, ଆକବର, ଗୁଡ୍ଡୁ, ଗୋଲୁ ଛାବଡା, ଶେଖର, ମନ୍ନୁ, ରିଷି ଛାବଡା, ଆଦି ଘଟଣା ସ୍ଥଳରୁ ଫେରାର ହୋଇଯାଇଥିଲେ । ପୋଲିସ ମାମଲା ରୁଜୁ କରି ଛାନବିନ ଜାରି ରଖିଛି ବୋଲି ଶ୍ରୀ ମହାକୁଡ ସୂଚନା ଦେଇଛନ୍ତି ।
