ବଡ଼ବିଲ/ଚିତ୍ତରଞ୍ଜନ କର : ଆଜି ଭୋର ସମୟରେ ଏକ ଦୁର୍ଘଟଣାରେ ଜଣକର ଅକାଳ ମୃତ୍ୟୁ ଘଟିଛି। ଘଟଣାରୁ ପ୍ରକାଶ ଯେ ନାଲଦା ଗେଟ ନିକଟରେ ଏକ ଡ଼ମ୍ପର ଭାରସ୍ୟାମ ହରାଇ ଏକ ଇଲେକ୍ଟ୍ରି ଖୁଣ୍ଟକୁ ଧକ୍କା ଦେଇଥିଲା। ଡ଼ମ୍ପରରେ ଉପସ୍ଥିତ ହେଲ୍ପର ଲସରଦା ଗ୍ରାମର ସୁନୀଲ ମୁଣ୍ଡାଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିଲା। ଡ୍ରାଇଭର ଦୁର୍ଘଟଣା ଘଟିବା ପରେ ଫେରାର ହୋଇ ଯାଇଥିବା ଜଣା ପଡ଼ିଛି। ବଡ଼ବିଲ ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ପୋଷ୍ଟମର୍ଟମ କରିବାକୁ ପଠାଇଥିଲା। ବଡ଼ବିଲ ପୋଲିସ କେଶ ନଂ ୬୭/୧୯ରେ ଏକ ମାମଲା ରୁଜୁ କରି ତଦନ୍ତ ଚଳାଇଥିବାର ଜଣାପଡ଼ିଛି।