ବାରିପଦା(ଅରବିନ୍ଦ ଦାସ )-: ମୟୂରଭଞ୍ଜ ଜିଲ୍ଲା ରାସଗୋବିନ୍ଦପୁର ବ୍ଲକର ଦେବଶୋଳ ମନ୍ଦିରରେ ପବିତ୍ର ଶିବରାତ୍ରିରେ ଜାଗର ଦୀପର ନିଆଁରେ ଅଘଟଣ । ମନ୍ଦିରରେ ଜଳୁଥିବା ଅଖଣ୍ଡ ଦ୍ୱୀପରୁ ମହିଳା ଭକ୍ତଙ୍କ ଅସାବଧାନତା କାରଣରୁ ଲେହେଙ୍ଗାରେ ନିଆଁ ଲାଗିଯାଇଥିଲା ।  ଫଳରେ ମହିଳା ଜଣଙ୍କ ଶରୀରର ୪୦ ପ୍ରତିଶତ ଅଂଶ ପୋଡ଼ିଯାଇଥିଲା । ମନ୍ଦିରରେ ଉପସ୍ଥିତ ଭକ୍ତମାନେ ଲେହେଙ୍ଗାରୁ ନିଆଁକୁ ଲିଭାଇବା ପରେ ଗୁରୁତର ଅବସ୍ଥାରେ ଉଦ୍ଧାର କରିଥିଲେ ।  ସେଠାରେ ଡ଼ିଉଟିରେ ଥିବା ରାସଗୋବିନ୍ଦପୁର ପୁଲିସ ପହଁଞ୍ଚି ଆହତ ମହିଳାଙ୍କୁ ବାରିପଦା ପଣ୍ଡିତ ରଘୁନାଥ ମୁର୍ମୁ ଭେଷଜ ମହାବିଦ୍ୟାଳୟ ଓ ହସପିଟାଲକୁ ଚିକିତ୍ସା ପାଇଁ ପଠାଇଦେଇଥିଲେ । ପ୍ରାପ୍ତ ସୂଚନାରୁ ଜଣାପଡ଼ିଛି, ମୟୂରଭଞ୍ଜ ଜିଲ୍ଲା ରାସଗୋବିନ୍ଦପୁର ଥାନା ଦେବଶୋଳସ୍ଥିତ ବାବା ବୁଦେ୍ଧଶ୍ୱର ମନ୍ଦିରକୁ ପୂଜା କରିବା ପାଇଁ ରାସଗୋବିନ୍ଦପୁର ଗ୍ରାମର ଅଞ୍ଜଳୀ ବେନାର୍ଜୀ ଆସିଥିଲେ । ତେବେ ମନ୍ଦିରରେ ଦୀପ ଜାଳୁଥିବା ସମୟରେ ଅଞ୍ଜଳୀ ପିନ୍ଧିଥିବା ଲେହେଙ୍ଗାରେ ଅସାବଧାନତା କାରଣରୁ ନିଆଁ ଲାଗିଯାଇଥିଲା ।