ଓଡଗାଁ, (ଶ୍ରୀକାନ୍ତ ମିଶ୍ର) : ଓଡଗାଁ ବନବିଭାଗ ପାଟ୍ରୋଲିଂ ଗାଡି ଉପରେ ଆକ୍ରମଣ ଯୋଗୁଁ ଫରେଷ୍ଟର ଜୋତିରଞ୍ଜନ ମାନସିଂ ଓ ଗାଡି ଡ୍ରାଇଭର ବିଜୟ ରଞ୍ଜନ ମିଶ୍ର ଗୁରୁତର ଆହତ ହୋଇଥିବା ବେଳେ ଅନ୍ୟ ସହକର୍ମୀ ମାନେ ଆଂଶିକ  ଆହତ ହୋଇଥିଲେ । ଓଆର ୨୫ ସି ୬୪୯୪ ପାଟ୍ରୋଲିଂ ବୋଲେର ଗାଡିକୁ ହାଣି ମାରଣା ଅସ୍ତ୍ରରେ ହାଣି ଭଙ୍ଗାରୁଜା କରିଦେଇଥିଲେ । ଏନେଇ ଓଡଗାଁ ଥାନାରେ ଏକ ମାମଲା ରୁଜୁକରି ପୋଲିସ ଅଭିଯୁକ୍ତ ମାନଙ୍କୁ ଧରିବାକୁ ଉଦ୍ୟମ ପ୍ରାରମ୍ଭରେ କାଲି ଶରଣ କୁଳ ନିକଟସ୍ଥ ଢାବା ଉପରେ ଚଢାଉ କରିବା ସମୟରେ ଅଭିଯୁକ୍ତକୁ ପାଇ ନଥିଲେ ମଧ୍ୟ ସେଠାରୁ ବହୁ ପରିମାଣରେ ମଦ ଯବତ କରିଥିବା ଜଣା ଯାଇଛି । ଘଟଣାରୁ ପ୍ରକାଶଯେ ଗତ ୨ତାରିଖ ସନ୍ଧ୍ୟାରେ ଗୟଳସିଂହ ସରକ୍ଷିତ ଜଙ୍ଗଲରେ ନିଆଁ ଲାଗିଥିବା ଖବର ପାଇ ଓଡଗାଁ ରେଞ୍ଜରଙ୍କ ନିର୍ଦ୍ଦେଶରେ ଫରେଷ୍ଟର ଜ୍ୟୋତିରଞ୍ଜନ ପ୍ରଧାନ ନିଆଁଲିଭା ମେସିନ ସହିତ ଅନ୍ୟ ୧୦ଜଣ କର୍ମଚାରୀଙ୍କୁନେଇ ପୋଡା ସାହିଠରେ ପହଁଚିଥିଲେ । ହେଲେ ସେଠାରେ ନିଆଁ ଲାଗିବା ଦେଖିବାକୁ ନପାଇ ସେମାନଙ୍କର ସନ୍ଦେହ  ବଢିଥିଲା । ପରବର୍ତ୍ତୀ  ସମୟରେ ଅନ୍ଧାର ଜଙ୍ଗଲରେ ଏକ ଟ୍ରାକ୍ଟର  ଦେଖିବାକୁ ପାଇଥିଲେ । ସେଠରେ କିଛି ଲୋକ ମଧ୍ୟଥିଲେ । ସେମାନଙ୍କୁ ପଚରାଉଚରା  କରି ଫେରି ଆସିଥିଲେ । ମାତ୍ର ସେହି ସ୍ଥାନରେ ଜଣେ କର୍ମଚାରୀ ରହିଯାଇଥିବା ଜାଣିବା ପରେ ପୁଣି  ଗାଡି ନେଇ ସେଠକୁ ଫେରିଥିଲେ । ସେତବେଳକୁ ସେଠାରେ ପ୍ରାୟ ୧୫/୧୭ଜଣ ଲୋକ ଏକାଠିହୋଇ ବନ କର୍ମଚାରୀଙ୍କ ସମୁହ ଆକ୍ରମଣ କରିବା ସହିତ ଗାଡିକୁ ଭଙ୍ଗାରୁଜା କରିଥିଲେ । ପ୍ରାଣ ଭୟରେ ସେଠରୁ ଅନ୍ୟମାନେ ଚାଲି ଯାଇଥିବାଳେ ସେଠାରେ ଫରେଷ୍ଟର ଓ ଡ୍ରାଇଭର ରହିଯାଇଥିଲେ । ସେମାନଙ୍କୁ ଦୁର୍ବୁତ୍ତ ମାନେ ମରଣାନ୍ତକ ଭାବରେ ମାଡମାରି ଫେରାର ହୋଇଯାଇଥିଲେ । ଖବର ପାଇ ରେଞ୍ଜର ରବିନ୍ଦ୍ର ନାଥ   ଓଡଗାଁ ଆଇଆଇସିଙ୍କୁ ନେଇ ସେମାନଙ୍କୁ ଉଦ୍ଧାର କରିଥିଲେ ।