ନୂଆପଡ଼ା(ଅମିତ କୁମାର ପୁରୋହିତ); ସଦର ଥାନା ଅଧୀନ କୋଟେନଚୁଆ ଠାରେ  ବାଇକ୍ ଦୁର୍ଘଟଣାରେ ଜଣେ ନବ ବିବାହିତ ଯୁବକ ଗୁରୁତର ହୋଇଛନ୍ତି । ଯୁବକ ଜଣକ ହେଲେ କୋଟେନଚୁଆଁ ଗାଁର ପରମେଶ୍ୱର ରାଉତ(୨୦) । ଅପରାହ୍ନରେ ପରମେଶ୍ୱର ତିଲେଇଝର ଗାଁ ପଟକୁ ବୁଳିବାକୁ ଯାଇଥିଲେ । ସନ୍ଧ୍ୟାରେ ଘରକୁ ଫେରିବା ବାଟରେ  କୋଟେନଚୁଆ ଗାଁ ମୁଣ୍ଡଠାରେ ରାସ୍ତାକାମ ଚାଲିଥିଲା । ମୋଟର ସାଇକଲଟି ଭାରସାମ୍ୟ ହରାଇ ରାସ୍ତା ଉପରେ ଥିବା ବାଳିବସ୍ତାରେ ଚଢି ଯୁବାରୁ ସେ ଛିଟିକି ପଡିଥିଲେ । ଫଳରେ ନିକଟରେ ଥିବା ଏକ ପୋଲ କାନ୍ଥରେ ପରମେଶ୍ୱରଙ୍କ ମୁଣ୍ଡ ପିଟି ହୋଇଯାଇଥିଲା । ମୁଣ୍ଡ ରୁ ଅଧିକ ରକ୍ତସ୍ରାବ ହୋଇ ସେ ଘଟଣାସ୍ଥଳରେ ଚେତାଶୂନ୍ୟ ହୋଇ ପଡିଥିଲେ । ପରିବାର ଲୋକେ ଗୁରୁତର ଅବସ୍ଥାରେ ଉଦ୍ଧାର କରି ତାଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ଅବସ୍ଥା ସଂକଟାପନ୍ନ ଥିବାରୁ ସନ୍ଧ୍ୟାରେ ତାଙ୍କୁ ବୁର୍ଲା ବଡ ମେଡିକାଲ ସ୍ଥାନାନ୍ତର କରାଯାଇଛି । ଗତ ଫେବୃଆରୀ  ୨୨ ତାରିଖରେ ପରମେଶ୍ୱର ବିବାହ କରିଥିଲେ ବୋଲି ଜଣାପଡିଛି ।