ସୁନ୍ଦରଗଡ/ ହୋରାଚାନ୍ଦ ଦେଉରିଆ :ସୁନ୍ଦରଗଡ଼ରେ ଦନ୍ତା ହାତୀର ଆତଙ୍କ | ନିଜ ପଲଠୁ ଅଲଗା ହୋଇ ଏକ ଦନ୍ତା ହାତୀ ସହର ପାଖରେ ବୁଲୁଥିବା ଯୋଗୁ ଲୋକଙ୍କ ଭିତରେ ଛନକା ପଶିଯାଇଛି | ଘଉଡାଇବା ପାଇଁ ବନ ବିଭାଗର ଉଦ୍ୟମ ଜାରି ରାହିଛି | ହେଲେ ଖବର ଲେଖାହେବା ପର୍ଯ୍ୟନ୍ତ ହାତୀଟିକୁ ଘଉଡାଇବା ସମ୍ଭବ ହୋଇନାହିଁ |
ଆଜି ସକାଳୁ ସୁନ୍ଦରଗଡ଼ ସହରରେ ପ୍ରବେଶ କରି ସଂକରା ରେ ଥିବା ମିଶନ ଚର୍ଚ୍ଚର ପାର୍କରେ ଦନ୍ତା ହାତୀ ଘୁରି ବୁଲୁଥିଲା | ଆଜି ରବିବାର ଥିବାରୁ ଚର୍ଚ୍ଚକୁ ବହୁତ ଲୋକ ପ୍ରେୟାର ପାଇଁ ଆସିଥିଲେ | ସେଠାରେ ହାତୀ ଘୁରି ବୁଲୁଥିବା ଦେଖି ଚର୍ଚ୍ଚକୁ ଆସିଥିବା ଲୋକମାନେ ଭୟଭୀତ ହୋଇ ଯାଇଥିଲେ ,ଘଟଣା ସ୍ଥଳରେ ବନବିଭାଗର ଅଧିକାରୀ ପହଞ୍ଚିଥିଲେ ଓ ହାତୀ ଘଉଡ଼ାଇବା ଟିମ ମଧ୍ୟ ଘଟଣା ସ୍ଥଳରେ ପହଁଚି ଦନ୍ତା ହାତୀକୁ କିଭଳି ଭାବରେ ଘଉଡ଼ାଯିବା ସେଥିପାଇଁ ଉଦ୍ୟମ ଜାରି ରହିଛି ବୋଲି କହିଥିଲେ ବନ ଅଧିକାରୀ ଅରୁଣ କୁମାର ମିଶ୍ର |
