ରାୟଗଡ଼ାରୁ ସରୋଜ କୁମାର ସାହୁ
ରାୟଗଡ଼ା ଜିଲ୍ଲା ପୋଲିସ କୁ ମିଳିଛି ପୁଣି ଏକ ବଡ଼ ସଫଳତା ମାଓବାଦୀ ନାଁ ରେ ବିଭିନ୍ନ ଲୋକଙ୍କୁ ଡରେଈ ଧମକାଇ ଚାନ୍ଦା ଆଦାୟ କରିବାରେ ଲିପ୍ତ ଥିବା ଅଭିଯୁକ୍ତଙ୍କୁ ଗିରଫ କରିଛି । ଆଜି ଏହାର ଫର୍ଦାଫାସ କରି ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ରାୟଗଡ଼ା ଆରକ୍ଷୀ ଅଧିକ୍ଷକ ରାହୁଲ ପି ଆର । ସୂଚନା ମୁତାବକ କାଶୀପୁର ବ୍ଲକର ଅଣ୍ଡିରାକଞ୍ଚ ଥାନା ଅନ୍ତର୍ଗତ ପାଇକ କୁପାଖାଲ ଗ୍ରାମର ଠିକାଦାର ଶଙ୍କର ନାୟକଙ୍କୁ ଭାରତ କମ୍ୟୁନିଷ୍ଟ (ମାଓବାଦୀ) ବଂଶଧାରା ଘୁମୁସର ଓ ନାଗାବଳି ଡିଭିଜନର ଲେଟର ପ୍ୟାଡ଼ରେ ସମ୍ପାଦକ ଉମାକାନ୍ତ ନାମ ଥାଇ ତା. ୨୯/୦୮/୨୦୧୮ ରିଖ ଓ ସେହିଭଳି ତା. ୦୮/୧୨/୨୦୧୮ ରିଖ ଥାଇ ଠିକାଦାର ହଳଧର ବାଗ ଙ୍କୁ ଦେଇଥିଲେ ସେଥିରେ ଉଲ୍ଲେଖ କରିଛନ୍ତି ଯେ, ତୁମେ ମାନେ ଅସଦ ଉପାୟରେ ଲୋକଙ୍କୁ ଠକି କୋଟି କୋଟି ଟଙ୍କା ରୋଜଗାର କରିଛ ସେଇଥି ପାଇଁ ଶଙ୍କର ନାୟକଙ୍କୁ ୫୦ ଲକ୍ଷ ଟଙ୍କା ଓ ହଳଧର ବାଗଙ୍କୁ ୭୦ ଲକ୍ଷ ଟଙ୍କା ଦେବାପାଇଁ ସେମାନେ ଦାବି କରିଥିଲେ ନ ହେଲେ ପ୍ରଜାକୋର୍ଟରେ ଦଣ୍ଡ ବିଧାନ କରାଯିବ ବୋଲି କହିଥିଲେ ଏଥି ସହ ଭବାନୀପାଟଣାର ଟୁନୁ ଦାସ ଓ ଶିକରପାଇ ଗ୍ରାମର ଗାନ୍ଧୀ ବାବୁଙ୍କ ଭଳିଆ ହତ୍ୟା କରିବା ପାଇଁ ଧମକ ଦେଇଥିଲେ । ଅତ୍ୟଧିକ ଭୟ ପାଇ ଶଙ୍କର ନାୟକ ସେମାନଙ୍କୁ ୧୦ ଲକ୍ଷ ଟଙ୍କା ଦେଇଥିଲେ କିନ୍ତୁ ପୋଲିସକୁ ଏହି ବିଷୟରେ କିଛି କହି ନ ଥିଲେ । ହଳଧର ବାଗ କିନ୍ତୁ ଏହି ବିଷୟ ନେଇ ପୋଲିସ ପାଖରେ ଅଭିଯୋଗ କରିଥିଲେ । ସେହି ଅଭିଯୋଗକୁ ଆଧାର କରି ପୋଲିସ ଗୁରୁତର ସହ ନେଇ ତଦନ୍ତ କରି କାଶୀପୁର ବ୍ଲକ ଅନ୍ତର୍ଗତ ଜଲଖୁରା ଗ୍ରାମର ବଳରାମ ନାୟକ (୩୦), ଭରତ ଓରଫ ଭାପତ ନାୟକ (୨୩), ମାଲିଗାଁ ଗ୍ରାମର ପିଣ୍ଟୁ ଓରଫ ରମେଶ ନାୟକ (୨୬) ଓ ବଲେଖଦାଶ ନାୟକ (୩୦)ଙ୍କୁ ଗିରଫ କରିଥିଲେ । ସେମାନଙ୍କ ଠାରୁ ନକ୍ସଲ ନାମ ଥାଇ ଲେଟର ପ୍ୟାଡ଼, ପୋଷ୍ଟର, ଅଭିଯୁକ୍ତ ବଳରାମ ନାୟକ ଠାରୁ ଟ. ୧୨୫୮୫୦ ଙ୍କା ଓ ଏକ ହିରୋ ମୋଟର ସାଇକେଲ ନଂ OD18E8495, ବଲେଖଦାଶ ନାୟକ ଠାରୁ ୬୦ ହଜାର ଟଙ୍କା, ଭରତ ନାୟକ ଠାରୁ ଏକ ହଜାର ତିରିଶ ଟଙ୍କା ଓ ହିରୋ ମୋଟର ସାଇକେଲ ନଂ OD18E8221 ଓ ସେହିଭଳି ପିଣ୍ଟୁ ଓରଫ ରମେଶ ନାୟକ ଠାରୁ ମୋଟର ସାଇକେଲ ନଂ OD08A2309 ଜବତ କରିଥିବା ବେଳେ ସମୁଦାୟ ୧ ଲକ୍ଷ ୮୬ ହଜାର ୯୧୦ ଟଙ୍କା, ୫ଟି ମୋବାଇଲ ଆଉ ତିନୋଟି ମୋବାଇଲ ଫୋନ ଜବତ କରିଥିବା ସାମ୍ବାଦିକ ସମ୍ମିଳନୀରେ ରାୟଗଡ଼ା ଆରକ୍ଷୀ ଅଧିକ୍ଷକ ରାହୁଲ ପି ଆର ସୂଚନା ଦେଇଛନ୍ତି । ଉକ୍ତ ସାମ୍ବାଦିକ ସମ୍ମିଳନୀରେ (ଏସଡିପିଓ) ରାୟଗଡ଼ା ରାଜକିଶୋର ଦାଶ, ଦୀନବନ୍ଧୁ ଶବର ଥାନା ଅଧିକାରୀ ଅଣ୍ଡିରାକଞ୍ଚ ଓ ନରହରି ସାହୁ ଥାନା ଅଧିକାରୀ ଦୋରାଗୁଡା ଉପସ୍ଥିତ ଥିଲେ |
