ନିଶ୍ଚିନ୍ତକୋଇଲି(ଦେବେନ୍ଦ୍ର ଷଡ଼ଙ୍ଗୀ) :ଘଟଣା ଘଟିଛି କଟକ ଜିଲ୍ଲା ନିଶ୍ଚିନ୍ତକୋଇଲି ବ୍ଲକ ଦାଉଦପୁର ଗ୍ରାମ ପଞ୍ଚାୟତ ନାହାଳପୁର ତାରିଣୀଗଡା ନିକଟରେ । ଗତକାଲି ବିଳମ୍ୱିତ ରାତ୍ର ସମୟରେ ଦୁଇ ଯୁବକ କାର୍ଯ୍ୟ ସାରି ଘରକୁ ଫେରୁଥିବାବେଳେ କୌଣସି କାରଣ ରୁ ଭାରସାମ୍ୟ ହରାଇ ବାଇକ ସହ ଯୁବକ ଦୁଇଜଣ କେନାଲ ମଧ୍ୟକୁ ଖସି ପଡ଼ିଥିଲେ । ତେବେ ଏହି ଦୁର୍ଘଟଣାରେ ଜଣେ ଯୁବକ ଙ୍କ ମୃତୁ ହୋଇଥିବା ବେଳେ ଅନ୍ୟଜଣେ ଯୁବକଙ୍କୁ ଗୁରୁତର ଅବସ୍ଥାରେ କଟକ ଅଶ୍ୱିନୀ ହସ୍ପିଟାଲରେ ଭର୍ତି କରାଯାଇଛି । ତେବେ ପ୍ରକାଶଥାଉକି ଉଭୟ ଯୁବକ ନିଶ୍ଚିନ୍ତକୋଇଲି ବ୍ଲକ ବୁହାଳୋ ପଞ୍ଚାୟତ ସାଧକନଗର ଅଂଚଳ ଅଭିମନ୍ୟୁ ସାହୁଙ୍କ ପୁଅ ମନୋଜ ସାହୁ ଯେକି ଏହି ଦୁର୍ଘଟଣାରେ ମୃତ୍ୟୁ ବରଣ କରିଛନ୍ତି । ସୂଚନାଥାଉକି ମନୋଜ ସାଲେପୁର କଲର ଭିଜିଅନ ନାମକ ଏକ ଫ୍ଲେକ୍ସ ତିଆରି ଦୋକାନରେ ମୁଖ୍ୟ ଡ଼ିଜାଇନର ଭାବେ କାମକରୁଥିଲେ ।ତାଙ୍କ ମୃତ୍ୟୁ ରେ ବହୁଲୋକ ନିଶ୍ଚିନ୍ତକୋଇଲି ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ରରେ ପହଞ୍ଚିଥିଲେ ଓ ଏକ ଶୋକାକୁଳ ପରିବେଶ ସୃଷ୍ଟିହୋଇଥିଲା । ତାଙ୍କ ମୃତ୍ୟୁ ଖବର ପାଇ, ବୁହାଳ ସରପଞ୍ଚ ରମାକାନ୍ତ ମହାନ୍ତି ପହଞ୍ଚିବା ସହିତ ମୃତ ଶରୀର କିପରି ତୁରନ୍ତ କଟକ ମେଡିକାଲରେ ବ୍ୟବଚ୍ଛେଦ ହୋଇପାରିବ ସେଥି ପାଇଁ ନିଜେ ଉପସ୍ଥିତ ରହି ପୋଲିସ ସହାୟତା ଲୋଡିଥିଲେ । ନେମାଳ ପୋଲିସ ଦୁର୍ଘଟଣା ଗ୍ରସ୍ତ ବୁଲେଟ ଗାଡିକୁ ଜବତ କରିବା ସହିତ ଅପ ମୃତ୍ୟୁ ମାମଲା ରୁଜୁ କରିଛି । ଅନ୍ୟଜଣ ଙ୍କ ନାମ ଅଶୋକ ସାହୁ, ପିତା, ସାରଙ୍ଗ ଧର ସାହୁ ଅଟେ । ସେ ଗୁରୁତର ଭାବେ ଆହତ ହୋଇଥିବାରୁ ତାଙ୍କୁ କଟକ ମେଡିକାଲରେ ଭର୍ତ୍ତି କରାଯାଇଛି । ଉଭୟ ସାଙ୍ଗ ଦୂର ଯାତ୍ରାକରି ବିଳମ୍ବିତ ରାତ୍ରିରେ ଫେରୁଥିବା ସମୟରେ ଏହି ଦୁଖଦ ଘଟଣା ଘଟିଛି. ରାତି ଚାରିଟା ରେ ଗାଁ ଲୋକଙ୍କ ଦୃଷ୍ଟିକୁ ଆସିଥିବାରୁ, ସେମାନେ ଦୁହିଁ ବନ୍ଧୁଙ୍କୁ ଆମ୍ବୁଲାନ୍ସ ରେ ନିଶ୍ଚିନ୍ତକୋଇଲି ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରକୁ ପଠାଇଥିଲେ । କିନ୍ତୁ ଏହି ଘଟଣାରେ ମନୋଜ ଙ୍କ ମୃତ୍ୟୁ ଘଟିଥିବାବେଳେ ଅନ୍ୟ ଜଣେ ଯୁବକ ଅଶୋକ ଗୁରୁତର ଆହତ ହୋଇଥିବାରୁ ତାଙ୍କୁ କଟକ ମେଡ଼ିକାଲ କୁ ସ୍ଥାନାନ୍ତରିତ କରାଯାଇଛି ।