ନିଶ୍ଚିନ୍ତକୋଇଲି (ଦେବେନ୍ଦ୍ର ଷଡ଼ଙ୍ଗୀ): ନିଶ୍ଚିନ୍ତକୋଇଲି ବ୍ଲକ ଜିଗ୍ନିପୁର ପଞ୍ଚାୟତ ମହାଜନପୁର ୯ନଂ ୱାର୍ଡ ର ଜଣେ ଯୁବକ ଙ୍କ ସନ୍ଦେହଜନକ ମୃତ୍ୟୁ ଘଟଛି । ସୂଚନାଯୋଗ୍ୟ କି ଘଟଣା ଘଟିଛି ମାଉସୀ ପୁଅ, ଶଳା ଓ ଭିଣେଇ ମଧ୍ୟରେ । ନିଶ୍ଚିନ୍ତକୋଇଲି ଥାନା ଓ ତହସିଲ ନିକଟସ୍ତ, ମହାଜନପୁର ର ହୁରା ଉପର ଗାଁରେ ଘଟିଛି ଏହି ଘଟଣା । ମୃତ ଯୁବକ ଜଣକ ହେଲେ ସନାତନ ମଳିକ ଙ୍କ ପୁତ୍ର ହୃଷିକେଶ ମଳିକ । ଏହି ଘଟଣାରେ ନିଜ ଗାଁ ପଡ଼ୋଶୀ ମାଉସୀ ପୁଅ ବଟକୃଷ୍ଣ ମଳିକ ଏହି ହତ୍ୟାକାଣ୍ଡରେ ସଂପୃକ୍ତି ନେଇ ପୋଲିସ ହାତରେ ଧରା ପଡିଛନ୍ତି ।
ପୋଲିସ ହତ୍ୟାକାରୀ କୁ ଗିରଫ କରିବା ସହିତ, ମୃତ ଶରୀରକୁ ମଧ୍ୟ ଜବତ କରିଛି । ତେବେ ଏହାଏକ ସୁପରିକଳ୍ପିତ ହତ୍ୟାକାଣ୍ଡ ବୋଲି ସାଧାରଣ ରେ ଚର୍ଚ୍ଚା ଜୋର ଧରିଛି ଓ ଏଥିରେ ଅନ୍ୟମାନେ ସମ୍ପୃକ୍ତ ଥାଇପାରନ୍ତି ବୋଲି ସାଧାରଣରେ କୁହାଯାଇଛି । ଶବ ବ୍ୟବଛେଦ ରିପୋର୍ଟ ଆସିଲା ପରେ ଏବଂ ପୋଲିସର ତଦନ୍ତ ପରେ ପ୍ରକୃତ ସତ୍ୟାସତ୍ୟ ଉନ୍ମୋଚନ ହୋଇପାରିବ ବୋଲି ପରିବାର ଲୋକେ ଓ ସ୍ଥାନୀୟ ଗ୍ରାମବାସୀମାନେ ମତବ୍ୟକ୍ତ କରିଛନ୍ତି । ଅପରପକ୍ଷରେ ମୃତ ହୃଷୀକେଶଙ୍କର ସଂସାର କହିଲେ ଦୁଇ ଗୋଟି ଛୋଟ ଛୋଟ ପିଲା , ପତ୍ନୀ, ବାପା ,ମାଆ କୁ ନେଇ ଗଠିତ । ମୃତକଙ୍କ ପରିବାର ଅତ୍ୟନ୍ତ ଗରିବ ଶ୍ରେଣୀର ହୋଇଥିବାରୁ ତାଙ୍କ ପରିବାରକୁ ସରକାରୀ ସହାୟତା ଯୋଗାଇଦେବା ନିମନ୍ତେ ବହୁ ବୁଦ୍ଧିଜୀବି ମହଲରେ ଏବଂ ମୃତକ ଙ୍କ ପରିବାର ଲୋକମାନେ ଦୃଢ ଦାବି କରିଛନ୍ତି । ତେବେ ମୃତକ ଙ୍କ ପରିବାର କୁ କି ନ୍ୟାୟ ମିଳୁଛି ତାହାହିଁ ଦେଖିବାକୁ ବାକି ରହିଲା ।