ବରଗଡ :- ଆଜି ଦିପହର ପ୍ରାୟ ସାଢ଼େ ବାରଟା ସମୟରେ ବରଗଡ଼ ଜିଲ୍ଲା ପାଇକମାଲ ଥାନା ଅନ୍ତର୍ଗତ ଲଉଡମାଲ ଗ୍ରାମ ରେ ସେହି ଗ୍ରାମର ଲକ୍ଷ୍ମଣ ଭୁଏ (22)ନାମକ ଜଣେ ଯୁବକର ମୃତଦେହ ଏକ ଗଛରେ ଝୁଲୁଥିବା କିଛି ଲୋକ ଦେଖିବାକୁ ପାଇଥିଲେ । ଏହି ଖବର ଗାଁ ରେ ପ୍ରଚାର ହେବା ପରେ ବହୁ ଲୋକ ଘଟଣା ସ୍ଥଳରେ ଜମା ହୋଇଥିଲା । ପ୍ରାପ୍ତ ସୂଚନା ଅନୁସାରେ ଲକ୍ଷ୍ମଣ ଘରୁ ଛେଳି ଖାଇବା ପାଇଁ ଡାଳ କଟିବାକୁ ଆସିଥିଲା । ଯେଉଁ ଗଛର ଡାଳ କାଟିବା ପାଇଁ ସେ ଚଢିଥିଲା ସେହି ଗଛ ଉପର ଦେଇ ହାଇ ପାୱାର ବିଦ୍ୟୁତ ଲାଇନ ଯାଇଛି । ଏପଟେ ଗଛ ତଳେ ମୃତକ ର ସାଇକଲ ଥୁଆ ହେଇଥିବା ବେଳେ ତଳେ ଟାଙ୍ଗିଆ ମଧ୍ୟ ପଡି ରହିଛି । ଅନ୍ୟପଟେ ମୃତକ ର ଶରୀର କଲା ପଡିବାରେ ଲାଗିଛି , ତେଣୁ ସନ୍ଦେହ ହେଉଛି ଯେ ଗଛରେ ହଟାତ ବିଦ୍ୟୁତ ସରବରାହ ହୋଇ ଯିବାରୁ ଲକ୍ଷ୍ମଣ ର ମୃତ୍ୟୁ ହୋଇଥାଇ ପାରେ ବୋଲି ସ୍ଥାନୀୟ ଲୋକେ ସନ୍ଦେହ କରୁଛନ୍ତି । ଅନ୍ୟପଟେ ଏହି ଘଟଣାର ଖବର ପୋଲିସ ଓ ବିଦ୍ୟୁତ ବିଭାଗ କୁ ଜଣେଇ ଦିଆ ଯାଇଥିବା ସୂଚନା ରହିଛି ।