• ୯ ଜଣଙ୍କୁ ଗିରଫ କଲା ବିରମିତ୍ରପୁର ପୋଲିସ।

• ୧୮ ଟି ମୋବାଇଲ ଫୋନ , ଲାପଟପ , ଟାଵଲେଟ ଜବତ ।

ରାଉରକେଲା(ବସନ୍ତ କୁମାର ଜେନା); ସୁନ୍ଦରଗଡ ଜିଲ୍ଲାରେ ଏବେ ଆଇପିଏଲ ସଟା ବଜ଼ାର ଗରମ ରହିଛି। ତେବେ ପୋଲିସ ର ସକ୍ରିୟତା ଯୋଗୁଁ ରବିବାର ଦିନ ଏକ ବଡ଼ ଧରଣର ସଟା ରାକେଟ ର ପର୍ଦାଫାସ ହୋଇଛି। ବିରମିତ୍ରପୁର ପୋଲିସ କୁଆରମୁଣ୍ଡାର ଯମୁନାନାକୀ ଅଞ୍ଚଳରେ ଚଢ଼ାଉ କରି ବେଆଇନ ଆଇପିଏଲ ସଟା ଖେଳରେ ଲିପ୍ତ ଥିବା ଅଭିଯୋଗରେ ୯ ଜଣଙ୍କୁ ଗିରଫ କରିଛନ୍ତି ।
ଗିରଫ ହୋଇଥିବା ସମସ୍ତ ଅଭିଯୁକ୍ତ ଛତିଶଗଡ଼ ଭିଲାଇ ଅଞ୍ଚଳର । କୁଆରମୁଣ୍ଡା ଅଞ୍ଚଳରେ ଘରଭଡା ନେଇ ଏପ୍ରକାର ବେଆଇନ ସଟା କାରବାର ଚଳାଇଥିଲେ । ଅନ ଲାଇନ ରେ ଲକ୍ଷଲକ୍ଷ ଟଙ୍କାର ଆଇପିଏଲ ସଟା କାରବାର କରିଥିବା ପୋଲିସ ପ୍ରାଥମିକ ତଦନ୍ତରୁ ଜାଣି ପାରିଛି। ପୋଲିସ ସେମାନଙ୍କ ଠାରୁ ସଟା ଖେଳରେ ବ୍ୟବହୃତ ହୋଇଥିବା ୧୮ ଟି ମୋବାଇଲ ଫୋନ , ଲାପଟପ , ଟାଵଲେଟ ଆଦି ଜବତ କରିଛନ୍ତି । ଏ ବାବଦରେ ଅଧିକ ତଦନ୍ତ ଜାରି ରହିଛି।