ଜଗତସିଂହପୁର//ସୁମନ୍ତ କୁମାର ଦାସ :ଜଗତସିଂହପୁର ଜ଼ିଲ୍ଲାର ବରିଷ୍ଠ ସାମ୍ବାଦିକ, ସମାଜସେବୀ ଅଜୟ କୁମାର ଜେନାଙ୍କର ୬୭ବର୍ଷ ବୟସ ରେ ବିୟୋଗ ହୋଇଛି । ଏଥିନେଇ ଜଗତସିଂହପୁର ଜ଼ିଲ୍ଲାର କାର୍ଯ୍ୟରତ ସାମ୍ବାଦିକଙ୍କ ମଧ୍ୟରେ ଶୋକ ର ଛାୟା ଖେଳିଯାଇଛି । ସ୍ବର୍ଗତ ଜେନା ଦୀର୍ଘ ତିରିଶି ବର୍ଷ ଧରି ଦୈନିକ ସମାଜ ସମ୍ବାଦପତ୍ର ରେ ଜଗତସିଂହପୁର ଜ଼ିଲ୍ଲା ପ୍ରତିନିଧି ଭାବେ କାର୍ଯ୍ୟକରି ଅନେକସ୍ଥାନରେ ସୁପ୍ରଶଂସିତ ହୋଇ ସୁନାମ ଅର୍ଜନ କରିଥିଲେ । ତାଙ୍କର ବଳିଷ୍ଠ ଉଦ୍ୟମ ରେ ଜ଼ିଲ୍ଲା ପ୍ରେସ ଫୋରମ, ଜ଼ିଲ୍ଲା ସାମ୍ବାଦିକ ମହାସଙ୍ଘ, ବରିଷ୍ଟ ସାମ୍ବାଦିକ ସଙ୍ଘ ଗଠନ କରାଯାଇଥିଲା । ଅନେକ ସମୟରେ ସାମ୍ବାଦିକ ମାନଙ୍କ ମଧ୍ୟ୍ୟରେ ଏକତା ବଜାୟ ରଖିବାରେ ସ୍ବର୍ଗତ ଜେନାଙ୍କ ଉଦ୍ୟମ ଅବିସ୍ମରଣୀୟ । ସ୍ବର୍ଗତ ଜେନା ଦୀର୍ଘ ଦିନ ହେବ ମଧୁମେହ ରୋଗରେ ପୀଡିତ ଥିଲେ । ଗତ ଶନିବାର ରାତିରେ ଛାତି ରେ ହଠାତ ଯନ୍ତ୍ରଣା ଅନୁଭବ କରିବାରୁ ମେଡିକାଲ ରେ ଭର୍ତ୍ତି କରାଯାଇଥିଲା । ଡାକ୍ତର ସେଠାରେ ମୃତ୍ୟ ଘୋଷଣା କରିଥିଲେ । ଆଜି ପୂର୍ବାହ୍ନ ରେ ରଘୁନାଥପୁର ବ୍ଲକ ବରଗୋଳ ସ୍ଥିତ ବାସ ଭବନରେ ଶତାଧିକ ଆତ୍ମୀୟ ସ୍ୱଜନ, କାର୍ଯ୍ୟରତ ଗଣ ମାଧ୍ୟମ ପ୍ରତିନିଧି , ସମାଜସେବୀ, ପୁଷ୍ପମାଲ୍ୟ ଅର୍ପଣକରି ଶ୍ରଦ୍ଧାଞ୍ଜଳି ଅର୍ପଣ କରିବା ପରେ ଏକ ଶୋଭାଯାତ୍ରା ନିଆଯାଇ ରେ ଗ୍ରାମ ମଶାଣି ରେ ଶେଷକୃତ୍ୟ ସମ୍ପନ୍ନ କରାଯାଇଥିଲା ।