ଖଇରା / ବୁଲୁ ଲେଙ୍କା : ବାଲେଶ୍ୱର ଜିଲ୍ଲା ସିମୁଳିଆ ଥାନା ବଡ଼ଜୟପୁର ଗାଁରେ ଦେଖିବାକୁ ମିଳିଛି ରାଜନୀତି ପରବର୍ତ୍ତୀ ହିଂସା l ଗତକାଲି ବଡ଼ଜୟପୁର ଗାଁର ବିଜେପି ସମର୍ଥିତ ସମିତିସଭ୍ୟାଙ୍କ ଶଶୁର ଉପେନ୍ଦ୍ର ପ୍ରସାଦ ସେଠୀଙ୍କୁ ମାଡ ମାରି ମାରିଦେଇଥିବା ନେଇ ପରିବାର ଲୋକେ ଥାନାରେ ଅଭିଯୋଗ କରିଛନ୍ତି l ଗତକାଲି ରାତିରେ ଗାଁରେ ମେଳଣ ଚାଲିଥିଲା ଏବଂ ଏହି ବୃଦ୍ଧ ଜଣକ ଛକରେ ଦୋକାନ କରିଥିଲେ l ସେହି ଦୋକାନ ନିକଟରେ ବିରୋଧୀ ଦଳର କିଛି କର୍ମୀ ବୃଦ୍ଧଙ୍କୁ ଗାଳିଗୁଲଜ କରିଥିଲେ l ପରେ ବୃଦ୍ଧ ଜଣକ ଏହାର ପ୍ରତିବାଦ କରିବାରୁ ତାଙ୍କୁ ଟଣା ଘୋଷରା କରି ଛାତିକୁ ମାରିଥିଲେ l ବୃଦ୍ଧ ଜଣକ ସେହିସ୍ଥାନରେ ଅସୁସ୍ଥ ହୋଇ ତଳେ ପଡିଯାଇଥିଲେ l ପରେ ବୃଦ୍ଧ ଜଣକୁ ପରିବାର ଲୋକେ ଜଣେ ଫାର୍ମାସିଷ୍ଟଙ୍କ ନିକଟକୁ ନେଇଯାଇଥିଲେ ଓ ଫାର୍ମାସିଷ୍ଟ ତାଙ୍କୁ ମୃତ୍ୟୁଘୋଷଣା କରିଥିଲେ l ପରେ ସ୍ଥାନୀୟଲୋକ ସିମୁଳିଆ ପୋଲିସକୁ ଖବର ଦେବା ପରେ ସିମୁଳିଆ ପୋଲିସ ଘଟଣାସ୍ଥଳରେ ପହଁଞ୍ଚି ଶବ ଜବତ କରିବା ସହିତ ଶବ ବ୍ୟବଚ୍ଛେଦ ପାଇଁ ସୋର ମେଡିକାଲକୁ ପଠାଯାଇଛି l