ରଣପୁର/ପ୍ରସନ୍ନ ସାମନ୍ତରାୟ-ନୟାଗଡ ଜ଼ିଲ୍ଲା ରଣପୁର ରେ ଘଟିଛି ଏକ ମର୍ମନ୍ତୁଦ ସଡ଼କ ଦୁର୍ଘଟଣା l ଅଟୋକୁ ଧକ୍କା ଦେଲା ଟ୍ରକ l ଫଳରେ ଜଣେ ମହିଳାଙ୍କ ଜୀବନ ହାନି ହୋଇଥିବା ବେଳେ 4ଜଣ ଆହତ ହୋଇଛନ୍ତି l ମୃତକ ମହିଳା ଜଣଙ୍କ ହେଲେ ଶରଣକୁଳ ଥାନା ଅନ୍ତର୍ଗତ ସିଙ୍ଗାରପୁର ଗ୍ରାମର ନିବାସୀ ସ୍ୱାଇଁ | ଖବର ନେବାରେ ଜଣାପଡିଛି ଦୁର୍ଘଟଣା ଗ୍ରସ୍ତ ପରିବାର ଏକ ବିଭାଘରରେ ଯୋଗ ଦେବାପାଇଁ ଖୋର୍ଦ୍ଧା ଜିଲ୍ଲା କୁହୁଡି ଗ୍ରାମ କୁ ଯାଉଥିଲେ | ଯିବା ବାଟରେ ନୟାଗଡ଼ ରଣପୁର ରାସ୍ତା ବଜ୍ରକୋଟ ଗ୍ରାମ ନିକଟରେ ଅଟୋ ଟିକୁ ଏକ ଆନ୍ଧ୍ରା ଟ୍ରକ ଧକା ଦେଇଥିଲା| ଫଳରେ ଘଟଣା ସ୍ଥଳରେ ମହିଳାଙ୍କ ମୃତ୍ୟୁ ଘଟି ଥିଲା | ଆହତ ମାନଙ୍କୁ ନିକଟସ୍ଥ ରଣପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ପଠାଯାଇଥିଲା l ଘଟଣା ସ୍ଥଳରେ ରଣପୁର ପୋଲିସ ପହଞ୍ଚି ଶବକୁ ଉଦ୍ଧାର କରି ଶବ ବ୍ୟବଚ୍ଛେଦ ପାଇଁ ପଠାଇଥିବା ବେଳେ ଅଟୋ ଓ ଟ୍ରକ କୁ ଜବତ କରି ଅଧିକ ତଦନ୍ତ ଚଳାଇଛି l