ରାମନାଗୁଡା:-ରାୟଗଡା ଜିଲ୍ଲା ଗୁଣୁପୁର ଥାନା ଅନ୍ତର୍ଗତ ରାମନାଗୁଡା ବ୍ଲକ ସ୍ଥିତ ବାଙ୍ଗି ଛକ ରେ ମଙ୍ଗଳବାର ଦିନ ସକାଳ ସମୟରେ ଏକ ସଡ଼କ ଦୁର୍ଘଟଣା ଘଟି ଯାଇଛି | ଖବର ନେବାରୁ ଜଣାପଡିଛି ଯେ ଉକ୍ତ କାର ରେ ଦମ୍ପତି ବ୍ରହ୍ମପୁର ଠାରୁ ରାୟଗଡା ଫେରିବା ବେଳେ ଥେରୁବାଲି ଠାରୁ ଉଦୀପ୍ତ ସାମଲ ନାମକ ୨୩ ବର୍ଷୀୟ ଛାତ୍ର ନିଜ ଘର ଥେରୁବାଲି ଠାରୁ ଓଡ଼ି ୧୮ ଜି ୪୧୬୮ ନମ୍ବର ବିଶିଷ୍ଟ ବାଇକ ଯୋଗେ ଗୁଣୁପୁର ବିଟସ କଲେଜ କୁ ପରୀକ୍ଷା ଦେବା ନିମନ୍ତେ ଯିବା ସମୟରେ ରାମନାଗୁଡା ସଦର ଠାରୁ ୫ କିଲୋମିଟର ବାଙ୍ଗି ଛକ ଠାରେ ବିପରୀତ ଦିଗରୁ ଆସୁଥିବା ଓଡ଼ି ୦୭ ଜି ୯୮୭୪ ବିଶିଷ୍ଟ କାର ସହ ମୁହାଁମୁହିଁ ଧକ୍କା ହୋଇଥିଲା | ଛାତ୍ର ଜଣଙ୍କର ଡାହାଣ ଗୋଡ଼ ପାଦରେ ଆଘାତ ହୋଇଥିବା ଜଣାପଡିଛି | ସେହିପରି ଦୁର୍ଘଟଣା ଘଟାଇ ଥିବା ଦମ୍ପତି ଙ୍କର କାର ର ଡ୍ରାଇଭର ଦିଗର ସମ୍ମୁଖ ଭାଗ ଟି ନଷ୍ଟ ହୋଇଥିବା ଦେଖିବାକୁ ମିଳିଛି| ଦୁର୍ଘଟଣା ଘଟଣା ସମ୍ପର୍କରେ ଖବର ପାଇ ଘଟଣା ସ୍ଥଳରେ ରାମନାଗୁଡା ଫାଣ୍ଡି ଅଧିକାରୀ ପୃଥୀବିରାଜ ଝୋଂକାର ପହଞ୍ଚି ଉଭୟ ବାଇକ ଏବଂ କାର କୁ ଜବତ କରି ଆହତ ଅବସ୍ଥାରେ ଥିବା ଛାତ୍ର ଙ୍କୁ ସ୍ଥାନୀୟ ଲୋକଙ୍କ ମିଳିତ ଉଦ୍ୟମରେ ରାମନାଗୁଡା ସ୍ଥିତ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରେ ଚିକିତ୍ସା ନିମନ୍ତେ ପଠାଇ ଦେଇ ଘଟଣାର ଅଧିକ ତଦନ୍ତ ଜାରି ରଖିଥିବା ଜଣାପଡିଛି | ସ୍ଥାନୀୟ ଲୋକଙ୍କ ଅଭିଯୋଗ ଅନୁଯାୟୀ ବାଙ୍ଗି ଛକ ଠାରେ ମୁଖ୍ୟ ରାସ୍ତା ର ତିନି ଦିଗରେ ହମ୍ପସ ନିର୍ମାଣ କରିବା ପାଇଁ ଗଣମାଧ୍ୟମ ଜରିଆରେ ପ୍ରଶାସନ ନିକଟରେ ଦାବି କରିଛନ୍ତି।