ଆହତ ଯୁବତୀଙ୍କୁ ଅନ୍ୟ ମହିଳା ମାନଙ୍କ ଦ୍ୱାରା ଉଦ୍ଧାର

ରାଉରକେଲା:(ବସନ୍ତ କୁମାର ଜେନା); ସୁନ୍ଦରଗଡ଼ ଆଜି ଦିନ ସାଢେ ୧୧ଟାରେ ଧରୁଆଡିହି ଥାନା କୁଲଟା ପଞ୍ଚାୟତ ଲମଟି ଗାଁରେ ଏକ ଅଭାବନୀୟ ଘଟଣା ଘଟିଛି। ଗାଁ ପାଖ ଜଙ୍ଗଲରେ ବାରହା ଭାବି ଜଣେ ଯୁବତୀଙ୍କ ଉପରକୁ ଗୁଳି ଚଳାଇଛନ୍ତି ଶିକାରୀ। ଗୁଳିମାଡ଼ରେ ଯୁବତୀ ଆହତ ହୋଇଥିବାବେଳେ ତାଙ୍କୁ ସୁନ୍ଦରଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।
ଗୁଳି ଯୁବତୀଙ୍କ ଅଣ୍ଟା ତଳ ପଛପଟେ ବାଜିଛି।
ଆହତ ଯୁବତୀ ହେଲେ ୧୮ ବର୍ଷୀୟା ଉର୍ବଶୀ ନାଏକ । ତାଙ୍କ ନିଜ ଗାଁ ଧୁମାଗଡା। ସେ ଲମଟି ସ୍ଥିତ ମାମୁଁ ଘରେ ରହି ବିରବିରା କଲେଜରେ ପଢୁଥିଲେ। ଆଜି ପାଖ ଜଙ୍ଗଲକୁ ଗାଁ ମହିଳାଙ୍କ ସହ ଶୁଖିଲା ଜାଳେଣି ଲଟା ଆଣିବାକୁ ପାଖ ଜଙ୍ଗଲକୁ ଯାଇଥିଲେ। ଠିକ୍ ଏହି ସମୟରେ ଶିକାର ପାଇଁ ଜଙ୍ଗଲ ଭିତରେ ପଶିଥିବା ଶିକାରୀ ଖଡ଼ଖଡ଼ ଶବ୍ଦ ଶୁଣି ବାରହା ଭାବି ଶବ୍ଦ ଆସୁଥିବା ସ୍ଥାନକୁ  ଲକ୍ଷ୍ୟ  କରି ଗୁଳି ଚଳାଇ ଦେଇଥିଲେ। ତାହା ଯୁବତୀଙ୍କ ଦେହରେ ବାଜିଥିଲା। ଘଟଣାସ୍ଥଳରୁ ଆହତ ଯୁବତୀଙ୍କୁ  ଲକ୍ଷ୍ୟ ଅନ୍ୟ ମହିଳାମାନେ ଉଦ୍ଧାର କରି ଗାଁକୁ ଆଣିଥିଲେ। ସେଠାରୁ ଡାକ୍ତରଖାନା ଅଣାଯାଇଥିଲା। ଖବର ପାଇ ପୁଲିସ ଘଟଣାସ୍ଥଳକୁ ଯାଇ ପ୍ରାଥମିକ ତଦନ୍ତ କରିବା ସହ ଦୁଇ ଅଭିଯୁକ୍ତକୁ ଥାନାରେ ଅଟକ ରଖିଛି। ଅଭିଯୁକ୍ତଙ୍କ ନାମ ଜଣା ପଡିନାହିଁ। ଏ ବାବଦରେ ପୋଲିସ ଏବଂ ବନ ବିଭାଗ ପକ୍ଷରୁ ଅଧିକ ତଦନ୍ତ ଜାରି ରହିଛି।